கலைஞர் பல்கலைக்கழக வேந்தராக முதல்வர்

பாரதிதாசன் பல்கலைக்கழகத்தில் இருந்து பிரிக்கப்பட்டு கும்பகோணத்தில் கலைஞர் பல்கலைக்கழகம் அமையவுள்ளது. இதற்கான வேந்தராக முதல்வர் இருப்பார் என அறிவிக்கப்பட்டுள்ளது.

- 

சென்னை, ஏப். 28: பாரதிதாசன் பல்கலைக்கழகத்தில் இருந்து பிரிக்கப்பட்டு கும்பகோணத்தில் கலைஞர் பல்கலைக்கழகம் அமையவுள்ளது. இதற்கான வேந்தராக முதல்வர் இருப்பார் என அறிவிக்கப்பட்டுள்ளது.

இதற்கான சட்டத்திருத்த மசோதாவை பேரவையில் உயர் கல்வித்துறை அமைச்சர் கோவி.செழியன் திங்கள்கிழமை தாக்கல் செய்தார். அதில் கூறப்பட்டுள்ளதாவது: கும்பகோணத்தில் நிறுவப்படவுள்ள கலைஞர் பல்கலைக்கழகம் அரியலூர், நாகப்பட்டினம், தஞ்சாவூர், திருவாரூர் ஆகிய மாவட்டங்களுக்கு உள்பட்ட எல்லைகளைக் கொண்டு செயல்படும்.