தஹாவூர் ராணாவிடம் தினமும் 8 மணி நேரத்துக்கு மேல் விசாரணை

மும்பை பயங்கரவாத தாக்குதல் சம்பவத்தின் முக்கிய நபராக கருதப்படும் பயங்கரவாதி தஹாவூர் ராணாவிடம் தினமும் 8 முதல் 10 மணி நேரம் வரை தேசிய புலனாய்வு முகமை (என்ஐஏ) விசாரணை நடத்தி வருகிறது.

- 

புது தில்லி, ஏப்.14:

கடந்த 2008-ஆம் ஆண்டு, நவம்பர் 26-ஆம் தேதி, மகாராஷ்டிர மாநிலம் மும்பையில் நிகழ்ந்த பயங்கரவாத தாக்குதலில் 166 பேர் உயிரிழந்தனர். இந்த சம்பவத்தில் முக்கிய குற்றவாளியாக கருதப்படும் தஹாவூர் ராணா ஏப்.10-ஆம் தேதி அமெரிக்காவில் இருந்து இந்தியாவுக்கு நாடுகடத்தப்பட்டார்.