புதிய வருமான வரிச் சட்டம்: பட்ஜெட் கூட்டத்தொடரில் அறிமுகப்படுத்த வாய்ப்பு

தற்போது நடைமுறையில் உள்ள வருமான வரிச் சட்டத்தை எளிமைப்படுத்தும் வகையில் மத்திய அரசு கொண்டு வரவிருக்கும் புதிய வருமான வரிச் சட்டம், வரவிருக்கும் நாடாளுமன்ற பட்ஜெட் கூட்டத்தொடரில் அறிமுகப்படுத்த வாய்ப்புள்ளது தெரியவந்துள்ளது.

- 

புது தில்லி, ஜன.18:

சட்ட விதிகள் எளிதில் புரிந்து கொள்ளும் வகையிலும், பக்கங்களின் எண்ணிக்கை 60 சதவீதம் அளவுக்கு குறைக்கப்பட்டும் புதிய சட்டம் உருவாக்கப்பட்டிருப்பதாக மத்திய நிதியமைச்சக அதிகாரிகள் தெரிவித்தனர்.

இதுகுறித்து அவர்கள் மேலும் கூறியதாவது:

மத்திய அரசு தற்போது கொண்டு வரவிருக்கப்படுவது ஏற்கெனவே உள்ள வருமான வரிச் சட்டத்தில் சட்டத்திருத்தம் அல்ல. புதிய சட்டம் அறிமுகப்படுத்தப்பட உள்ளது.