நல்லகண்ணுக்கு தலைவர்கள் புகழாரம்

கம்யூனிஸ்ட் கட்சியின் மூத்த தலைவர் இரா.நல்லகண்ணு நூற்றாண்டு விழாவையொட்டி தலைவர்கள் அவருக்கு புகழாரம் சூட்டினர்.

- 

சென்னை கலைவாணர் அரங்கில் ஞாயிற்றுக்கிழமை நடைபெற்ற இந்த விழாவுக்குத் தலைமை வகித்து உலகத் தமிழர் பேரமைப்புத் தலைவர் பழ.நெடுமாறன் பேசியதாவது:

இந்திய கம்யூனிஸ்ட் கட்சியின் மூத்த தலைவரான இரா.நல்லகண்ணு ஈழத்தமிழர் பிரச்னைக்காக அகில இந்திய அளவில் குரல் கொடுத்துள்ளார். தொண்டு, தியாகம், எளிமை, நேர்மைக்கு உதாரணமாக விளங்குபவர்.

இந்திய கம்யூனிஸ்ட் தேசிய பொதுச் செயலர் டி.ராஜா: சாதாரண மக்கள் மற்றும் விவசாயிகளின் நலனுக்காக கடுமையாக உழைத்தவர் நல்லகண்ணு. என்னிடம் உள்ள நல்ல பண்புகள் நல்லகண்ணிடம் இருந்து பெற்றவை.