வீட்டில் ஆய்வகம் அமைத்து மெத்தம்பெட்டமைன் தயாரிக்க முயற்சி

சென்னை கொடுங்கையூரில் வீட்டில் ஆய்வகம் அமைத்து மெத்தம்பெட்டமைன் போதைப் பொருள் தயாரிக்க முயன்றதாக 5 கல்லூரி மாணவர்கள் உள்பட 7 பேர் கைது செய்யப்பட்டனர்.

- 

சென்னையில் கல்லூரி மாணவர்கள் சிலர் போதைப் பொருள் விற்பனையில் ஈடுபட்டு வருவதாக போதைப் பொருள் தடுப்பு நுண்ணறிவு போலீஸாருக்கு தகவல் கிடைத்தது. இதையடுத்து கொடுங்கையூர் பகுதியில் செவ்வாய்க்கிழமை ரகசிய கண்காணிப்பில் போலீஸார் ஈடுபட்டனர். அப்போது, 7 இளைஞர்கள் பிடிபட்டனர். அவர்களிடமிருந்து 250 கிராம் மெத்தம்பெட்டமைன், 6 கைப்பேசிகள், சிறிய எடைபோடும் இயந்திரம், கார் ஆகியவற்றை பறிமுதல் செய்தனர்.