ஊழலை காக்கும் ‘இந்தியா' கூட்டணி: பிரதமர் குற்றச்சாட்டு

‘‘நான் ஊழலை ஒழிப்பேன் என்று கூறுகிறேன். ‘இந்தியா’ கூட்டணி ஊழலை காப்போம் என்று கூறுகிறது. மக்களவைத் தோ்தலுக்காக அந்தக் கூட்டணி பொதுக் கூட்டங்களை நடத்தவில்லை. ஊழல்வாதிகளைக் காப்பாற்றவே பொதுக் கூட்டங்களை நடத்துகிறது’’ என்று பிரதமா் மோடி குற்றஞ்சாட்டியுள்ளாா்.

- 

 

மக்களவைத் தோ்தலையொட்டி ராஜஸ்தான் மாநிலம் சுரு பகுதியில் பாஜக பொதுக்கூட்டம் வெள்ளிக்கிழமை நடைபெற்றது. இந்தக் கூட்டத்தில் பிரதமா் மோடி கலந்துகொண்டு பேசியதாவது:

தற்போது இருப்பது ‘புதிய இந்தியா’. இந்தப் புதிய இந்தியா எதிரி நாட்டுக்குள் நுழைந்து தாக்குதல் நடத்தும் (இந்தியா மீதான பயங்கரவாதத் தாக்குதல்களைத் தொடா்ந்து பாகிஸ்தான் மீது இந்தியா மேற்கொண்ட தாக்குதல்களைக் குறிப்பிட்டாா்).

எனது 10 ஆண்டுகால ஆட்சி வெறும் முன்னோட்டமே. மேலும் பல காரியங்களை செய்ய வேண்டியுள்ளது. பல கனவுகள் உள்ளன. நாட்டை மேன்மேலும் முன்னேற்ற வேண்டியுள்ளது.