உள்துறை அமைச்சகத்துக்கு ரூ.2 லட்சம் கோடி ஒதுக்கீடு

வரும் நிதியாண்டுக்கான மத்திய இடைக்கால பட்ஜெட்டில், உள்துறை அமைச்சகத்துக்கு ரூ.2.03 லட்சம் கோடி ஒதுக்கீடு செய்யப்பட்டுள்ளது.

- 

மத்திய அமைச்சர் அமித் ஷா தலைமையிலான மத்திய உள்துறை அமைச்சகத்துக்கு கடந்த பட்ஜெட்டில் ரூ.1,96,034.94 கோடி ஒதுக்கப்பட்டிருந்த நிலையில், தற்போது ரூ.2,02,868.7 கோடி ஒதுக்கப்பட்டுள்ளது.

துணை ராணுவப் படைகளுக்கு...: உள்துறை அமைச்சக நிதி ஒதுக்கீட்டில் பெருந்தொகையாக ரூ.1,32,345.47 கோடி துணை ராணுவப் படைகளுக்கு ஒதுக்கப்பட்டுள்ளது.
இதில் அதிகபட்சமாக, உள்நாட்டுப் பாதுகாப்பில் பெரும் பங்கு வகிக்கும் மத்திய ரிசர்வ் போலீஸ் படைக்கு (சிஆர்பிஎஃப்) ரூ.32,809.65 கோடி ஒதுக்கப்பட்டுள்ளது. கடந்த முறை (நிகழ் நிதியாண்டுக்கு) திருத்தப்பட்ட தொகையாக ரூ.31,389.04 கோடி ஒதுக்கப்பட்டது.