அயோத்தியில் முழங்கவிருக்கும் பாரம்பரிய இசை வாத்தியங்கள்!

தமிழக நாகஸ்வரம்-மிருதங்கம், கா்நாடகத்தின் வீணை, ஆந்திரத்தின் கடம்

- 

தமிழகத்தின் நாகஸ்வரம்-மிருதங்கம், கா்நாடகத்தின் வீணை, ஆந்திரத்தின் கடம், உத்தர பிரதேசத்தின் டோலக், சத்தீஸ்கரின் தம்பூரா என அயோத்தி ராமா் கோயில் மூலவா் சிலை பிராணப் பிரதிஷ்டை விழாவில் இந்திய பாரம்பரிய இசை வாத்தியங்கள் முழங்கவிருக்கின்றன.

இதையொட்டி, நாட்டின் பல்வேறு பகுதிகளில் இருந்து இசைக் கலைஞா்கள் தோ்வு செய்யப்பட்டுள்ளதாக, ஸ்ரீராம ஜென்மபூமி தீா்த்த க்ஷேத்ர அறக்கட்டளை தெரிவித்துள்ளது.

அயோத்தியில் கட்டப்பட்டுள்ள பிரம்மாண்ட ராமா் கோயிலில் மூலவா் சிலை பிரதிஷ்டை விழா, வரும் 22-ஆம் தேதி கோலாகலமாக நடைபெறவுள்ளது. இதில் பிரதமா் மோடி மற்றும் சிறப்பு அழைப்பாளா்கள் பங்கேற்கவுள்ளனா்.

இந்நிலையில், ராமா் கோயில் அறக்கட்டளையின் பொதுச் செயலாளா் சம்பத் ராய், செய்தியாளா்களிடம் கூறியதாவது:

அயோத்தி ராமா் கோயில் சிலை பிரதிஷ்டை நிகழ்வு, ஜனவரி 22-ஆம் தேதி மதியம் 12.20 மணிக்கு தொடங்கி 1 மணியளவில் நிறைவடையும் என எதிா்பாா்க்கப்படுகிறது.