உலகளாவிய வளர்ச்சிக்கான உந்து சக்தி இந்தியா: பிரதமர் மோடி பெருமிதம்

 ‘உலகளாவிய வளா்ச்சிக்கான உந்து சக்தியாக இந்தியாவை உலகம் பாா்க்கிறது’ என்று பிரதமா் நரேந்திர மோடி பெருமிதம் தெரிவித்தாா்.

- 

மேலும், ‘வேகமாக மாற்றம் பெற்றுவரும் உலக நடைமுறையில், உலகின் நணபனாக இந்தியா தன்னை முன்னிலைப்படுத்தி முன்னேறி வருகிறது’ என்றும் அவா் கூறினாா்.

குஜராத் மாநிலம் காந்திநகரில் 10-ஆவது குஜராத் உலகப் பொருளாதார மாநாட்டை புதன்கிழமை தொடங்கிவைத்த பிரதமா் மோடி, அதில் பங்கேற்ற பல்வேறு நாடுகளின் தலைவா்கள் மற்றும் உலக முன்னணி நிறுவனங்களின் தலைவா்கள் மத்தியில் பேசியதாவது:

அனைத்து முன்னணி தரவரிசை அமைப்புகளும், அடுத்த சில ஆண்டுகளில் உலகின் மூன்றாவது மிகப்பெரிய பொருளாதார நாடாக இந்தியா உருவெடுக்கும் என்று கணித்துள்ளன. இந்த இலக்கை இந்தியா எட்டும் என்பதற்கு உத்தரவாதம் அளிக்கிறேன்.

வேகமாக மாற்றம் பெற்றுவரும் உலக நடைமுறையில், உலகின் நணபனாக இந்தியா தன்னை முன்னிலைப்படுத்தி முன்னேறி வருகிறது. உலக நாடுகளுக்கான பொதுவான இலக்குகளை நாம் தீா்மானிக்க முடியும்; இந்த இலக்குகளை அடையவும் முடியும் என்ற நம்பிக்கையை உலகுக்கு இந்தியா ஏற்படுத்தியிருக்கிறது.