Preswylwyr cartref yn cael blas o'r cyris gorau yng Nghymru

WYNHAODD preswylwyr a staff mewn cartref gofal yng ngogledd Cymru bryd a hanner pan gawsant flasu danteithion tandoori sawrus yn ddiweddar.

- 

Nid o fwyty cyffredin y daeth y bwyd ar gyfer y wledd yng nghartref gofal Bryn Seiont Newydd ym Mharc Pendine, ond o'r bwyty Indiaidd gorau yng Nghymru.

Cafodd y danteithion blasus eu gweini’n boeth o'r gegin ym Mwyty Tandoori Caernarfon yn y dref.

Ac, fel y bydd cefnogwyr cyri yn gwybod, cafodd Bwyty Tandoori Caernarfon ei enwi fel y bwyty Indiaidd gorau yng Nghymru mewn seremoni ddisglair yn gynharach eleni.

Y fuddugoliaeth honno oedd yr ail flwyddyn yn olynol i’r bwyty ennill y wobr.

Gyda rheolwr y bwyty, Fahim Bin Ferdous, hefyd yn gweithio fel gweithiwr gofal yn y cartref gofal, roedd gweini ychydig o fwyd gwych y bwyty yn ffordd wych o ddathlu ei llwyddiant parhaus - a rhoi pryd o fwyd amheuthun i'r preswylwyr.

Cafodd preswylwyr a staff amrywiaeth o fwyd Indiaidd blasus wrth i Fahim gyrraedd gyda dewis enfawr o rai o brydau mwyaf poblogaidd y bwyty.

Ymhlith y prydau roedd tikka masala cyw iar, cyw iar menyn, korma llysieuol a tikka Korma cyw iar ynghyd ag amrywiaeth o ddewisiadau reis.

Ac er mwyn sicrhau bod pawb yn mwynhau pryd cyflawn o fwyd Indiaidd, daeth Fahim hefyd 4 bara naan a poppadoms a siytni.

Roedd yr arlwy yn amlwg wedi creu argraff ar y preswylwyr.