గొర్రెల స్కాం..1000 కోట్లు

• కాగ్ నివేదిక ప్రకారం 7 జిల్లాల్లో 253.93 కోట్లు • 33 జిల్లాల్లో వెయ్యికోట్ల పైమాటేనంటున్న ఈడీ • ఇప్పటికే 17 మందిని అరెస్ట్ చేసిన ఏసీబీ 8 9.00

- 

• గొర్రెల పథకంలో అవినీతి అక్రమాలు

• పక్కదారిమళ్లిన పథకం నిధులు

• ఆన్ లైన్ బెట్టింగ్ యాప్స్కు కూడా వినియోగం

• 200పైగా బ్యాంకు ఖాతాల ద్వారా ట్రాన్సాక్షన్స్

• 31 మొబైల్ ఫోన్లు 20 సిమ్ కార్డులు స్వాధీనం

తెలంగాణలో ప్రభుత్వ పథకాలు కుదేలవుతున్నాయి. అనడానికి మంచి ఉదాహరణగా మారింది."గొర్రెల పంపిణీ పథకం".ప్రభుత్వ నిధులు వాస్తవ లబ్ధిదారులకు వెళ్లకుండా మధ్యవర్తుల, నకిలీ ఖాతాల దారుల చేతుల్లోకి చేరాయి. ఇప్పుడది కేవలం పథకం కాదు, రూ. 1000 కోట్ల కుంభకోణంగా దేశవ్యాప్తంగా చర్చనీయాంశమైంది.

హైదరాబాద్ 01 ఆగస్టు (ఆదాబ్ హైదరాబాద్) : తెలంగాణలో గతంలో అమలైన గొర్రెల పెంపక అభివృద్ధి పథకంలో భారీ అవినీతికి సంబంధించి కేంద్ర దర్యాప్తు సంస్థ ఈడీ కీలక ఆధారాలను వెలికితీస్తున్నాయి. వేల కోట్ల నిధుల మాయం, లబ్ధిదారుల పేరుతో నకిలీ ఖాతాల్లోకి నిధుల మళ్లింపు, అధికారులు సహకారంతో జరుగిన ముడుపుల వ్యవహారాలపై స్పష్టత వస్తోంది. ఇప్పటివరకు దాదాపు రూ.1000 కోట్లకు పైగా ప్రజాధనాన్ని పక్కదారి పట్టించిన ముఠా వ్యవస్థీకంగా పని చేసినట్లు ఆధారాలు లభ్యమయ్యాయి. ఈ వ్యవహారంలో మనీలాండరింగ్ కోణాన్ని లోతుగా తవ్వుతున్న కేంద్రం అధికార యంత్రాంగం, ఇటీవల రాష్ట్ర రాజధానిలోని ఎనిమిది ప్రాంతాల్లో ఒకేసారి సోదాలు చేసింది. ఈ తనిఖీల్లో ప్రభుత్వ విభాగాల్లో కీలక బాధ్యతలు నిర్వహించిన వ్యక్తుల నివాసాలతో పాటు, పథకం అమలులో నేరుగా ప్రమేయం ఉన్న మధ్యవర్తులు, ప్రైవేటు వ్యక్తుల ఇళ్లలోనూ సోదాలు జరిపారు.