ద్వాదశ లగ్న జాతకులపై... తండ్రి ప్రభావము

ద్వాదశ లగ్న జాతకులపై... తండ్రి ప్రభావము

- డాక్టర్ ఈదుపుగంటి పద్మజారాణి

1) మేష లగ్నం: ఈ లగ్నం వారికి సాధారణంగా తమ తండ్రి ఆధ్యాత్మికంగాను నైతికంగా నూఅభివృద్ధి పరమైన లక్షణాలు కలిగి ఉండుట వలన, పిల్లలు వారి సలహాలు వింటూ ఉండుట వలన అభివృద్ధిలోకి వస్తారు. తండ్రి గారి లక్ష్య సాధన కలిగిన వ్యక్తి కనుక వారిని ఆదర్శవంతంగా తీసుకుని పిల్లలు ముందుకు వెళ్తారు. సరదాలు. సాహసాలు చేస్తారు. ప్రయాణాలు ఇష్టపడతారు. బంధనాలను ఇష్టపడరు. కుటుంబ సమేతంగా సహాయ యాత్రలను ఇష్టపడతారు. వారిని నిరంతరం తిప్పుతూనే ఉంటారు. వీరు ఫాదర్స్ గా ది బెస్ట్ అయితే ఇంట్లొనే ఉంటే మాత్రం ఆందోళన పడుతుంటారు

2) వృషభ లగ్నం: ఈ లగ్న వ్యక్తుల తండ్రి గారు ఆర్థికంగా నైపుణ్యాలను ఆర్జించిన వ్యక్తిగా పట్టుదల కలిగిన వ్యక్తిగా, చేసే పనిని శ్రద్ధగా చేయుటవలన కార్యసిద్ధికి సంకేతంగా ఉంటారు. పిల్లలు వీరిని ఆదర్శంగా తీసుకుంటానికి మీరు చెప్పిన మాట వింటారు తమ పిల్లలను అనేక యాక్టివిటీల కోసం సిద్ధం చేయడానికి ప్లాన్ చేసేవారితోనే మొదటివారుగా ఉంటారు. తండ్రిగా ప్రతి అంశం గురించి వారికి బోధించడంలో ఆనందిస్తారు. ఇంకా, తండ్రులు విశ్వసనీయతను ఇష్టపడతారు. సున్నిత మైనా విషయాలలో అతి ప్రేమతో పిల్లలను జాగ్రత్తమ చూసుకుంటారు.

3) మిధున లగ్నం: ఇతరుల చేత పని చేయించి గలిగిన నేర్పు గలిగిన తండ్రి వీరికి లభిస్తారు. ఆ కారణంగా తండ్రి సంస్థల నిర్వాహకుడిగా ఎక్కువ అభివృద్ధిని సాధిస్తారు ఆ కారణంగా తండ్రికి పిల్లవాడితో వెచ్చించే సమయం తగ్గిపోవటం వలన ఆత్మీయత కొరవడుతుంది. దానివలన తన కష్టాలకి తండ్రే కారణం అన్న భావాన్ని పిల్లవాడు పొందే అవకాశం ఉంది అందువల్ల తండ్రి కొంత సమయాన్ని పిల్లవాడితో వెచ్చిం చుట వలన ఇద్దరి మధ్య ఆత్మీయతా పెంచుకో గలుగుతారు. తండ్రులు జీవితంలో వారికంటూ రూల్స్ పెట్టుకుని ముందుకు సాగుతుంటారు. ఇది పిల్లలను ఇబ్బందుల్లో పడేస్తుంది. తండ్రులు తమ పిల్లలను సృజనాత్మక ప్రపంచం, కళలను అన్వేషించమని ప్రోత్సహిస్తున్నప్పటికీ, ప్రాపర్ షెడ్యూల్ కి కట్టుబడి ఉండరు.