നല്ലൊരു വീട് 19 ലക്ഷത്തിന്

വീട് എന്ന സ്വപ്നം മാറ്റിവയ്ക്കാനുള്ളതല്ല; കയ്യിലുള്ള പണം കൊണ്ടുതന്നെ നേടിയെടുക്കാം

- 

ചെലവു കുറഞ്ഞൊരു വീടൊന്നും ഇനിയുള്ള കാലത്ത് പണിയാൻ പറ്റില്ല, കോവിഡിനുശേഷം കേൾക്കുന്ന പതിവു പല്ലവിയാണി ത്. അതുകൊണ്ടുതന്നെ 19,30,000 രൂപയ്ക്ക് 1100 ചതുരശ്രയടിയുള്ള വീട് പൂർത്തിയാക്കി എന്നതു വിശ്വസിക്കാൻ പ്രയാസം തോന്നും. സാമ്പ ത്തിക അച്ചടക്കവും പ്ലാനിങ്ങുമുണ്ടെങ്കിൽ കടമോ ലോണോ കൂടാതെ വീടുപണിയാൻ സാധിക്കുമെന്നാണ് കൊടുങ്ങല്ലൂർ കൂളിമുട്ടത്തുള്ള റിയാസിന്റെ വീട് കാണിച്ചുതരുന്നത്.

നിശ്ചിത ബജറ്റിൽ നിന്നുകൊണ്ട് വീടുപണിയണമെന്നതുകൊണ്ട് വീട്ടുകാരുടെ ആവശ്യ ങ്ങളിൽ വിട്ടുവീഴ്ച ചെയ്തുമില്ല.

ബജറ്റ് നേരത്തെത്തന്നെ

 ചെലവു കുറച്ചതിന്റെ പ്രധാന കാരണമായി ഡിസൈനർ സക്കറിയ കാപ്പാട്ട് പറയുന്നത് വീ ട്ടുകാരുടെ സഹകരണമാണ്. തങ്ങളുടെ ആവ ശ്യങ്ങളും ബജറ്റും വീട്ടുകാർ മുൻകൂട്ടി അറിയി ച്ചിരുന്നു. മൂന്ന് കിടപ്പുമുറികൾ വേണമെന്നത് വീട്ടുകാർ നേരത്തേ ആവശ്യപ്പെട്ടിരുന്നു.

ഇടത്തരം വലുപ്പമുള്ള മുറികൾ

വീട്ടുകാരുടെ ഉപയോഗരീതി കണക്കിലെടു ത്ത് 10x11 ചതുരശ്രയടിയുള്ള മൂന്ന് കിടപ്പുമുറികളാണ് നിർമിച്ചത്. രണ്ട് കിടപ്പുമുറികൾ മാത്രം അറ്റാച്ഡ് ബാത്റൂം ആക്കി. മൂന്നാമത്തെ  മുറിക്ക് കോമൺ ബാത്റൂം ഉപയോഗിക്കാം.