പി ആർ ഓ റോൾ ജോലിക്കപ്പുറം എനിക്ക് പാഷൻ ആണ് : പ്രതീഷ് ശേഖർ

തിയേറ്ററുകളിൽ പ്രേക്ഷകർ ആവേശത്തോടെ സ്വീകരിച്ച സുപർഹിറ്റ് വിജയ ചിത്രങ്ങൾ ലിയോ, കണ്ണൂർ സ്ക്വാഡ്, വിക്രം, ആർ.ആർ. ആർ തുടങ്ങി ചുരുങ്ങിയ കാലത്തിനുള്ളിൽ 55ൽ പരം വിജയ ചിത്രങ്ങളുടെ പി ആർ ഓ ആയി വർക്ക് ചെയ്ത പ്രതിഷ്ശേഖർ ആദ്യമായി വെള്ളിനക്ഷത്രത്തോട് മനസ്സ് തുറക്കുന്നു.

- 

*എങ്ങനെയാണ് പി ആർ ഓ റോളിലേക്ക് എത്തുന്നത് ?

ഞാൻ ഇരുപതു വർഷത്തിൽ കൂടുതലായി മാധ്യമ മേഖലയിൽ ജോലി ചെയ്ത ആളാണ്. ദുബായ് ഏഷ്യാനെറ്റ് റേഡിയോയിൽ ആർ ജെ ആയി തുടങ്ങിയ ഞാൻ ചാനൽ പരിപാടികൾ അവതരണത്തിലൂടെയും ടെലിവിഷൻ പ്രൊഡ്യൂസർ ആയും ഏറെ നാൾ വർക്ക് ചെയ്തു. ഇടയ്ക്കു റെഡ് എഫ് എം പ്രോഗ്രാം ഹെഡ് ആയും ജോലി നോക്കിയിരുന്നു. സിനിമയോടുള്ള ഒരു പാഷൻ എല്ലാവരെയും പോലെ മനസ്സിൽ ഉണ്ടായിരുന്നു. എന്റെ ജോലിക്കിടയിൽ സെലിബ്രിറ്റികളുമായും സിനിമയുടെ അണിയറപ്രവർത്തകരുമായും നല്ല സൗഹൃദം സ്ഥാപിക്കാൻ സാധിച്ചിരുന്നു. അങ്ങനെ മഴവിൽ മനോരമയിൽ സെലിബ്രിറ്റി മാനേജർ/പി ആർ ജോലിയിൽ ഒരാളെ നോക്കിയപ്പോൾ എനിക്ക് എന്റെ സുഹൃത്ത് വഴി ആ ജോലിക്കു അപേക്ഷിക്കാനും ആ ജോലി ലഭിക്കുകയും ചെയ്തു. ടെലിവിഷൻ ചാനലുകൾ ജനങ്ങളുടെ ഏറ്റവും വലിയ വിനോദമായി മാറിയ ആ സമയത്തു ഞങ്ങൾ ചെയ്യുന്ന പ്രോഗ്രാമുകൾ, അതിൽ വരുന്ന സെലിബ്രിറ്റികൾ, പ്രേക്ഷക അഭിപ്രായങ്ങൾ ഒക്കെ കേട്ട് മുന്നോട്ടു കുതിക്കുന്ന വേളയിൽ കോവിഡ് എന്ന മഹാമാരി വന്നതോടെ ടെലിവിഷൻ പ്രോഗ്രാമ്മുകൾക്കും കളർ കുറഞ്ഞു. സെലിബ്രിറ്റികൾ ഇല്ലാതെ സാധാരണ ഷോകളുമായി പരിപാടികൾ നടന്നു. ഓരോ ദിനം കഴിയും തോറും ഞാൻ ചെയ്തിരുന്ന ജോലികൾ, ബന്ധപ്പെട്ടിരുന്ന സെലിബ്രിറ്റികൾ, മേൽക്കൈ എടുത്തു നടത്തിയിരുന്ന ഓഡിഷനുകൾ ഒക്കെ പതിയെ പതിയെ ഇല്ലാണ്ടായി. അങ്ങനെ കുറച്ചു മാസങ്ങൾക്കു ശേഷം ചാനൽ ജീവിതത്തോട് പൂർണമായി വിട പറഞ്ഞു. ഞാൻ ചാനലിൽ നിന്ന് ഇറങ്ങിയ സമയത്തു ജയസൂര്യ ചേട്ടനാണ് അദ്ദേഹത്തിന്റെ വെള്ളം എന്ന ചിത്രത്തിന്റെ അദ്ദേഹവുമായി ബന്ധപ്പെട്ട പി ആർ ജോലി നീ ചെയ്യടാ എന്ന് പറഞ്ഞു ആദ്യ അവസരം തരുന്നത്. പിന്നീട് സിനിമയിലെ സൗഹൃദങ്ങൾ വഴി തുടർ ചിത്രങ്ങൾ ലഭിച്ചു. പകുതി സമയം ഓൺലൈൻ വർക്കും ഇന്റർവ്യൂ ആങ്കറിംഗും ആയി നടന്ന ഞാൻ സിനിമകൾ കിട്ടി തുടങ്ങിയപ്പോൾ പതിയെ പി ആർ ഓ ജോലിയിൽ തന്നെ ശ്രദ്ധ കേന്ദ്രീകരിച്ചു.

*ലോകേഷിന്റെ ലിയോയിൽ പ്രതീഷ് ആണല്ലോ പി ആർ ഓ റോളിൽ, എങ്ങനെയാണു ആ അവസരം ലഭിച്ചത്?