പൊതുഇടങ്ങളിലെ വിഡിയോ ചിത്രീകരണം

സൈബർ ക്രൈം

- ഇ. എസ്. ബിജുമോൻ സൂപ്രണ്ട് ഓഫ് പൊലീസ് വിജിലൻസ് ആൻഡ് ആന്റി കറപ്ഷൻ ബ്യൂറോ, (സൈബർ ക്രൈം ആൻഡ് ഫൊറൻസിക് ഇൻവെസ്റ്റിഗേറ്റർ)

യുട്യൂബ്, ഇൻസ്റ്റഗ്രാം പോലെയുള്ള പ്ലാറ്റ്ഫോമുകളിൽ കൂടുതൽ കാഴ്ചക്കാരെ സൃഷ്ടിക്കാൻ ഉപയോഗിക്കുന്ന വിഡിയോകൾ ഷൂട്ട് ചെയ്യുമ്പോൾ ശ്രദ്ധിക്കേണ്ട കാര്യങ്ങൾ.

ഡിജിറ്റൽ പഴ്സനൽ ഡേറ്റ പ്രൊട്ടക്ഷൻ (ഡിപിഡിപി) ആക്ട് എന്ന നിയമം ഇപ്പോൾ നിലവിലുണ്ട്. അതുകൊണ്ടുതന്നെ പബ്ലിക്വിഡിയോസ് എടുക്കുന്നതിനു മുൻപുതന്നെ അതിനുള്ള അനുമതി വാങ്ങേണ്ടതാണ്. കാരണം, പിന്നീടുള്ള നിയമക്കുരുക്കിൽ നിന്നു രക്ഷപ്പെടാൻ നമുക്കിത് ആവശ്യമായിവരും.

പ്രാങ്ക് വിഡിയോസ് ക്രിമിനൽ കുറ്റം വരെയാകാം വിനോദത്തിനായി ആളുകളെ തെറ്റിദ്ധരിപ്പിച്ചും ഭയപ്പെടുത്തിയും അവർ അറിയാതെ ചിത്രീകരിക്കുന്നതാണ് പ്രാങ്ക് വിഡിയോ. പ്രാങ്ക് വിഡിയോകളിൽ പലപ്പോഴും സ്വകാര്യതാലംഘനം സംഭവിക്കുന്നുവെന്ന കാരണത്താൽ ഒരുപാട് നിയമവശങ്ങൾ അതി ലുണ്ട്. ഭരണഘടനയിലെ ആർട്ടിക്കിൾ 21 അനുസരിച്ച് സ്വകാര്യ തയ്ക്കുള്ള അവകാശം ഒരു വ്യക്തിയുടെ മൗലികാവകാശങ്ങളിൽ ഉൾപ്പെടുന്നു. അപ്പോൾ ഒരു വ്യക്തിയുടെ സമ്മതം കൂടാതെ ഇത്തരം വിഡിയോകൾ പ്രചരിപ്പിച്ചാൽ, അതൊരു സ്വകാര്യതാ ലംഘനമായി ആ വ്യക്തിക്കു പരാതി കൊടുക്കാൻ സാധിക്കും.