പേർഷ്യൻ പൂച്ചയെ വളർത്തുമ്പോൾ

പെറ്റ്സ് കോർണർ

- ഡോ. ബീന. ഡി

വീട്ടകങ്ങളിൽ വളർത്താൻ ഏറ്റവും അനുയോജ്യമായ ഇനമാണ് പേർഷ്യൻ പൂച്ചകൾ. കാണാനുള്ള ഭംഗി തന്നെയാണ് ഇവയെ എല്ലാവരും തിരഞ്ഞെടുക്കുന്നതിനു കാരണം. മൂക്കുകളുടെ ഘടനയനുസരിച്ച് ഇവയെ പഞ്ച്, സെമി പഞ്ച്, എക്സ്ട്രീം പഞ്ച്, ഡോൾ ഫെയ്സ് എന്നിങ്ങനെ പലതായി തരംതിരിച്ചിട്ടുണ്ട്. ഈ തരംതിരിവ് അനുസരിച്ച് ഇവരുടെ വിലയിലും ഏറ്റക്കുറച്ചിലുകൾ ഉണ്ട്.

രോമാവരണം കൂടുതൽ ഉള്ളതുകൊണ്ടു തന്നെ നല്ല പരിചരണം ആവശ്യമാണ്. ദിവസേന രോമം ചീകിക്കൊടുക്കണം. രണ്ടു ദിവസം കൂടുമ്പോൾ കണ്ണും ചെവിയും നനഞ്ഞ പഞ്ഞി അല്ലെങ്കിൽ തുണി ഉപയോഗിച്ചു വൃത്തിയാക്കണം.