இந்தியாவில் ஒவ்வொரு நாளும் 20 பெண்கள் வரதட்சணையால் இறக்கிறார்கள்!

சமீபத்தில் வரதட்சணைக் கொடுமையால் திருப்பூர் மாவட்டம் அவிநாசி கைகாட்டி புதூரையைச் சேர்ந்த ரிதன்யா தற்கொலை செய்து கொண்ட சம்பவம் தமிழகத்தையே சோகத்தில் உறைய வைத்துள்ளது.

- பேராச்சி கண்ணன்

இதில் கணவர், மாமனார், மாமியார் என அனைவரும் கைது செய்யப்பட்டுள்ளனர். இதற்கு அடுத்த சில நாட்களி லேயே திருவள்ளூர் மாவட்டம் பொன் னேரியில் திருமணமாகி நான்காவது நாளில் வரதட்சணைக் கொடுமை யால் லோகேஸ்வரி தற்கொலை செய்துகொண்ட சம்பவம் இன்னும் வேதனையை ஏற்படுத்தியது.

ஒரு சவரன் நகைக்காக அவர் கணவர் வீட்டாரால் துன்புறுத்தப்பட்ட தாகச் சொல்லப்படுகிறது.

நம் சமூகத்தில் வரதட்சணைக் கலாசாரம் எந்தளவுக்கு நோயாகப் புரையோடிப் போயிருக்கிறது என் பதை வெளிச்சம் போட்டுக் காட்டி யுள்ளன இந்தச் சம்பவங்கள்.

இந்தியாவில் கடந்த 1961ம் ஆண்டு வரதட்சணைத் தடைச் சட் டம் கொண்டு வரப்பட்டது. காரணம், அந்தக் காலத்தில் வரதட்சணைக் கொடுமை அதிகமிருந்ததுதான்.

இந்தச் சட்டம் வரதட்சணை கொடுப்பதும், பெறுவதும் குற்றம் என்கிறது. ஆனாலும் இந்த அறுபது ஆண்டுகளில் பெரிதாக எதுவும் மாற வில்லை.

அதே போல் ஒவ் வொரு ஆண்டும் வரதட் சணை மரணங்களும் குறையாமலேயே இருக் கிறது. கடந்த 2022ம் ஆண்டு தேசிய குற்ற ஆவணக் காப்பகத்தின் புள்ளிவிவரங்கள்படி வர தட்சணைக் கொடுமை யால் இந்தியா முழுவதும் 6 ஆயிரத்து 450 மரணங் கள் நிகழ்ந்துள்ளன.

இந்தியாவில் ஒவ்வொரு ஆண் டும் சுமார் 6 ஆயிரம் மரணங்கள் பதி வாகிறது எனவும், ஒவ்வொரு நாளும் 20 பெண்களின் மரணத்திற்கு வரதட் சணை காரணமாக இருப்பதாகவும் சொல்கிறது அந்தப் புள்ளிவிவரம்.

இந்நிலையில் இதுகுறித்து சமூக செயற்பாட்டாளரும், வழக்க றிஞருமான செல்வகோமதியிடம் பேசினோம்.

"இன்னைக்கு வரதட்சணை என்பது ஒரு சமூக ஒப்புதலாகவே மாறிடுச்சு. என்னதான் நவீன கல்வி, தொழில்நுட்பம் எல்லாம் வளர்ந் தாலும்கூட வரதட்சணை என்பது இன்னைக்கும் மரபாக இருக்குது.

உலகில் நான் எவ்வளவுசெல் வாக்குடன் இருக்கிறேன் என்பதை பெருமையாகக் காட்ட வரதட்சணை தரப்படுது. இதுதவிர ஒரு கடமையாக வும் அதனை பார்க்கிறாங்க. முதல்ல இந்த மனப்போக்கு மாறணும்..." என்ற படி ஆரம்பித்தார் அவர்.