DUAL SPORT

ഓൺറോഡിലും ഓഫ് റോഡിലും ഒരുപോലെ മിന്നിക്കാൻ പറ്റിയ ജാപ്പനീസ് മെഷീൻ- കാവാസാക്കി കെഎൽഎക്സ് 230

- നോബിൾ എം. മാത്യു

അഡ്വഞ്ചർ ടൂറർ ബൈക്കുകളോട് യുവാക്കൾക്ക് പെരുത്തിഷ്ടം കൂടിയിട്ട് അധികകാലമായിട്ടില്ല. സോഷ്യൽ മീഡിയ സജീവമായപ്പോൾ, യാത്രാ വിഡിയോകൾ സംഭവബഹുലമായപ്പോൾ യുവാക്കൾ വീക്കെൻഡ് റൈഡുകൾക്കു തുടക്കം കുറിച്ചപ്പോഴാണ് ഇത്തരം ബൈക്കുകൾക്കു പ്രചാരമേറിയത്. നാട്ടിൻപുറത്തെ പുതിയ വൈബ് സ്ഥലങ്ങളും ഹൈറേഞ്ചിലെ പുതിയ മലഞ്ചെരുവുകളും പുതിയ ടൂറിസ്റ്റ് സ്പോട്ടുകളായപ്പോൾ റൈഡേഴ്സ് നിരത്തിൽ നിറഞ്ഞു. ആ ഓളത്തിനൊപ്പം വിപണിയിൽ ഹിറ്റായ മോഡലാണ് ഹീറോയുടെ എക്സ് പൾസ്. എവിടെയും കൊണ്ടുപോകാം. അടിയിടിക്കില്ല, പോരാത്തതിനു കുറഞ്ഞ വിലയും. അല്പം കൂടി കരുത്തുള്ള ഭാരം കുറഞ്ഞ കൂടുതൽ സസ്പെൻഷൻ ട്രാവലുള്ള ഒരു മോഡൽ കിട്ടിയിരുന്നെങ്കിൽ എന്ന് ആശിക്കാത്തവർ കുറവായിരുന്നു. ഏവരും നോക്കിയത് കാവാസാക്കിയുടെ കെഎൽഎക്സിലേക്കു തന്നെയാണ്. ഒടുവിലിതാ കെഎൽഎക്സ് 230 നിരത്തിലെത്തിയിരിക്കുകയാണ്.

ഡിസൈൻ