ELECTRIFYING COMET

ഇന്ത്യയിലെ ഇലക്ട്രിക് കാറുകൾക്കു മാത്രമല്ല, നിലവിലുള്ള എല്ലാ കാറുകൾക്കും ഭീഷണിയാണ് എംജിയുടെ ഈ ചെറുകാർ.

- സന്തോഷ്

വിലപിടിപ്പുള്ള കളിപ്പാട്ടം പോലെയൊരു കൊച്ചു കാർ. വെറും 8 ലക്ഷം രൂപയ്ക്ക് സ്വന്തമാക്കാം. ഒറ്റ ചാർജിങ്ങിൽ 230 കിമീ ഓടും. വിലക്കുറവോ വലുപ്പക്കുറവോ അല്ല കോമറ്റിന്റെ വലുപ്പം, ആവശ്യമുള്ളത് ആവശ്യത്തിനുമാത്രം നൽകുന്നു എന്നതാണ്.

സകലതും തികഞ്ഞ ആദ്യ ഇലക്ട്രിക് കാർ എന്നതാണ് എംജി കോമറ്റ് ഇവിയുടെ പ്രസക്തി. സ്റ്റൈലിങ്ങിൽ അപാരത, കാഴ്ചയിൽ ലളിതസുന്ദരം. പുതുതലമുറയെ മാത്രം മുന്നിൽക്കണ്ടുള്ള രൂപകൽപനയാണിത്. ഫിനിഷിങ്ങിൽ ഏതു റോൾസ് റോയ്സിനോടും കിടപിടിക്കും. ഉപയോഗക്ഷമതയിൽ സ്കൂട്ടറുകളെയും വെല്ലുന്ന ചടുലത. നഗരവീഥികളിൽ തിരക്കുകൾ വകഞ്ഞുമാറ്റി പരൽമീനിനെപ്പോലെ തെന്നിക്കളിക്കും. പാർക്ക് ചെയ്യാനോ? ഓട്ടോറിക്ഷയ്ക്കു വേണ്ടത്ര സ്ഥലം പോലും വേണ്ട. വില 8 ലക്ഷത്തിൽ താഴെ നിൽക്കുന്നത് കോമറ്റിനു വെറുമൊരു അധിക യോഗ്യത മാത്രം.

രൂപകൽപന