Chandrika Weekly - 2025 June 28

इस अंक में

അനീതിയും അസമത്വവും പെയ്തുകൊണ്ടേയിരിക്കുമ്പോള്‍ എഴുത്തുകാര്‍ ജനതയ്‌ക്കൊപ്പമായിരിക്കണം. ഏതെങ്കിലും രാഷ്ട്രീയ പ്രത്യയശാസ്ത്രത്തിന്റെ തടവുകാരായി ജനവിരുദ്ധ നിലപാടിനൊപ്പമല്ല അവര്‍ നിലകൊള്ളേണ്ടത്. ഹിംസയുടെ പര്യായമായി മാറുന്ന അധികാര വ്യവസ്ഥയെ സ്വാഭാവികമായും എതിര്‍ക്കുന്ന നിലപാടാണ് അവര്‍ പുലര്‍ത്തേണ്ടത്. അധികാരത്തിന്റെ കുഴലൂത്തുകാരല്ല എഴുത്തുകാര്‍. രചനകളിലെ ആത്മാംശവും ലോകബോധവും അവരെ എന്നും വിമര്‍ശനത്തിന്റെ അസ്ത്രമൂര്‍ച്ചയ്‌ക്കൊപ്പം നില്‍ക്കാനാണ് പ്രേരിപ്പിക്കുക. എഴുത്തും അധികാരവും തമ്മിലെ ബന്ധത്തെക്കുറിച്ച് വിശ്വസാഹിത്യത്തെ അടിസ്ഥാനമാക്കി ചില ആലോചനകള്‍ പങ്കുവെയ്ക്കുകയാണ് നിരൂപകന്‍ കൂടിയായ ലേഖകന്‍.