നിയമലംഘനം അറിയാം, അറിയിക്കാം

സ്മാർട് ഫോണിലെ കൂടുതൽ ടെക്നിക്കുകൾ അറിയാനും വിവിധ ആവശ്യങ്ങൾ സ്മാർട്ടായി നിറവേറ്റാനും പഠിക്കാം

- രതീഷ് ആർ. മേനോൻ ടെക്, സോഷ്യൽ മീഡിയ വിദഗ്ധൻ

വാഹനാപകടങ്ങൾ വാർത്തകളായി നിറയുന്ന സമയമാണിത്. ക്യാമറ കാണുമ്പോൾ മാത്രം ഹെൽമറ്റ് വയ്ക്കുക, പൊലീസിനെ കാണുമ്പോൾ സ്പീഡ് കുറയ്ക്കുക, ട്രാഫിക് സിഗ്നൽ വെട്ടിക്കുക എന്നിങ്ങനെ മിക്കവരും ചെയ്യുന്ന ട്രാഫിക് നിയമ ലംഘനങ്ങൾ പലതാണ്. സ്ഥിരമായി ഹെൽമറ്റ് വയ്ക്കുന്നവർ അബദ്ധത്തിൽ ഒന്നു ഹെൽമറ്റില്ലാതെ പുറത്തിറങ്ങിയാലോ, അന്നു തന്നെ മോട്ടോർ വെഹിക്കിൾ ഇൻസ്പെക്ടർ ഫൈനിടുകയും ചെയ്തേക്കാം.