ഉദ്യാനത്തിലെ താരമായി ടോപിയറി ചെടികൾ

ആകർഷകമായ ടോപിയറി ചെടികൾ വീട്ടിലെ ഉദ്യാനത്തിന്റെ ഭാഗമാക്കാം

- ജേക്കബ് വർഗീസ് കുന്തറ റിട്ട. പ്രഫസർ, ബോട്ടണി വിഭാഗം, ഭാരത് മാത കോളജ് എറണാകുളം

ചെടികളെ കലാപരമായി വെട്ടിയൊതുക്കി വളർത്തുന്ന രീതിയാണു ടോപിയറി. ചെടികൾ നന്നായി ശിഖരമിടാനും സമൃദ്ധമായി പുഷ്പിക്കാനും കമ്പു കോതൽ അവശ്യപരിപാലന രീതിയാണ്. സവിശേഷ ആകൃതിയിൽ കമ്പു കോതിയ ടോപിയറി മരങ്ങൾ ഇന്ന് ഉദ്യാനത്തിന്റെ അവിഭാജ്യ ഘടകമായി മാറി.

ടോപിയറി ചെയ്ത ആൽമരത്തിന്റെ റെറ്റ്യുസ, ബെഞ്ചമീന, മൈക്രോകാർപ്പ് തുടങ്ങിയ അലങ്കാര ഇനങ്ങൾ, കാറ്റാടി മരം, മാൽപീജിയ, കോണിഫർ മരങ്ങൾ, പോഡോ കാർപസ്, ബൊഗൈൻ വില്ല, യൂജീനിയ എല്ലാം പുൽത്തകിടിയുടെ നടുവിലെ മുഖ്യ ആകർഷണമായോ, വാക്ക് വേയ്ക്ക് അരികിലൂടെ അല്ലെങ്കിൽ മതിലിനോടു ചേർ ന്നു നിരയായി വളർത്തുന്നത് പൂന്തോട്ടത്തെ കൂടുതൽ ആകർഷകമാക്കും.