വേനൽക്കാലത്ത് കുടിക്കാമോ സോഫ്റ്റ് ഡ്രിങ്ക്സ്

സോഷ്യൽമീഡിയ വഴി പ്രചരിക്കുന്ന ആരോഗ്യ സംബന്ധമായ തെറ്റിധാരണകൾ അകറ്റാം. കൃത്യമായ വിശദീകരണങ്ങളുമായി ഡോ.ബി.പത്മകുമാർ പ്രഫസർ, മെഡിസിൻ, മെഡിക്കൽ കോളജ്, ആലപ്പുഴ

- ഡോ.ബി.പത്മകുമാർ പ്രഫസർ, മെഡിസിൻ, മെഡിക്കൽ കോളജ്, ആലപ്പുഴ

കടുത്ത വേനൽച്ചൂടിൽ വരണ്ടുണങ്ങുകയാണു നാട്. പകൽ മുഴുവൻ പൊള്ളുന്ന വെയിൽ. രാത്രി വീശിയടിക്കുന്ന ഉഷ്ണക്കാറ്റ്, പൊരിവെയിലിൽ വിയർത്തൊഴുകി ക്ഷീണിച്ചു തളരുന്ന ജനം.

പൊരിയുന്ന വെയിലിൽ നിന്നു വീടിനകത്തേക്കു വരുമ്പോൾ ഫ്രിജ് തുറന്നു കോളയും ബോട്ടിൽഡ് ഡ്രിങ്കമൊക്കെ അപ്പാടെ വായിലേക്കു കമഴ്ത്തുന്നവരുണ്ട്. പെട്ടെന്നൊരാശ്വാസം തോന്നുമെങ്കിലും ഇരട്ടിവേഗത്തിൽ ദാഹവും തളർച്ചയുമൊക്കെ തിരിച്ചെത്തിയെന്നു വരാം. കാരണം, സോഫ്റ്റ് ഡ്രിങ്ക്സിൽ അടങ്ങിയിരിക്കുന്ന കഫീനു മൂത്രം അമിതമായി ഉൽപാദിപ്പിക്കാനുള്ള കഴിവുണ്ട്. (ഡൈ യൂററ്റിക് ഇഫക്ട്). മൂത്രത്തിലൂടെ ജലാംശവും സോഡിയവും മറ്റും നഷ്ടപ്പെടുന്നതാണു പിന്നീട് അമിതദാഹവും ക്ഷീണവും ഉണ്ടാക്കുന്നത്.