സ്ത്രീപക്ഷത്താണ് സ്വയംവര

സ്വയംവരത്തിൽ സ്ത്രീകൾക്കല്ലേ തിരഞ്ഞെടുക്കാനുള്ള അധികാരം. 'സ്വയംവര'യിലും അതങ്ങനെയാണ്

- 

ഉത്തരേന്ത്യയിലെ ഹോൾസെയിൽ തുണിക്കടകളിൽ ഒറ്റയ്ക്കു ധൈര്യത്തോടെ മലയാളി കുടുംബങ്ങളുടെ ഇഷ്ടങ്ങൾ മനസ്സിലേറ്റി ചെന്നെത്തുന്ന പെൺസിംഹങ്ങളുണ്ട്.

ഇത്ര ദൂരം യാത്ര ചെയ്ത് ഏറ്റവും മികച്ച തുണിത്തരങ്ങൾ തിരഞ്ഞെടുക്കാനെത്തുന്ന അവരെ ഉത്തരേന്ത്യൻ ഭായിമാർ അൽപം ആശ്ചര്യത്തോടെ നോക്കും.

ഏറ്റവും നല്ല ഫാഷൻ കളക്ഷൻ നമ്മളിലേക്കെത്തിക്കാൻ സ്വയം വരിച്ച ദൗത്യവുമായി കൊൽക്കത്ത, സൂറത്ത്, മുംബൈ തുടങ്ങി ഇരുപതിലേറെ സ്ഥലങ്ങളിൽ ചെന്നെത്തുന്ന ഈ പെൺസാരഥികളാണു 'സ്വയംവര'യുടെ കരുത്ത്. കുടുംബത്തിന്റെ ആവശ്യങ്ങളും ഇഷ്ടങ്ങളും കണ്ടറിഞ്ഞും കേട്ടറിഞ്ഞും നിറവേറ്റാനുള്ള സ്ത്രീകളുടെ കഴിവും ശ്രദ്ധയും തന്നെയാണ് ഏറ്റവും വിലയേറിയ മൂലധനവും.

ഏതവസരത്തിലും ശ്രദ്ധേയമായ വസ്ത്രങ്ങൾ തേടി, മലയാളി കുടുംബങ്ങൾ സ്വയം വരയിലേക്കെത്തുന്നതും ഈ പ്രത്യേകതകൾ കൊണ്ടാണ്. മലയാളികളുടെ അഭിരുചികൾ വ്യക്തമായി മനസ്സിലാക്കിയ സ്ത്രീകളാണ് ഈ സ്ഥാപനത്തിന്റെ മുഖ്യധാരയിൽ പ്രവർത്തിക്കുന്നത്.

ട്രെൻഡിനും മുൻപ്

ട്രെൻഡിനൊത്തതും പരമ്പരാഗതവുമായ സ്ത്രങ്ങളുടെ വർണലോകമാണ് ഓരോ സ്വയം വര ഷോറൂമും. എല്ലാ ഷോറൂമുകളുടെയും മാനേജർമാർ സ്ത്രീകളാണ്.

സെയിൽസ് സ്റ്റാഫ് മുതൽ ഡയറക്ടർ സ്ഥാനത്തുള്ള അബിത ശങ്കരൻകുട്ടി വരെ, അരങ്ങിലും അണിയറയിലുമായി പ്രവർത്തിക്കുന്നവരിൽ തൊണ്ണൂറു ശതമാനത്തിലേറെയും സ്ത്രീകൾ. വസ്ത്രങ്ങൾ വാങ്ങാനെത്തുന്നവർ ഈ സ്ത്രീകുടുംബത്തിലെ അതിഥികളാണ്.

കുടുംബാംഗങ്ങൾക്കു വസ്ത്രങ്ങൾ വാങ്ങാൻ സ്ഥിരമായെത്തുന്നവരുമുണ്ട്. ഏറെക്കാലത്തെ പരിചയം കൊണ്ട് സ്വയംവര കുടുംബത്തിലെ അംഗങ്ങൾ തന്നെയാണവർ.