ഞാൻ അനുഭവിച്ചത് നിന്നിലേക്ക് പകരില്ല

നമ്മൾ അനുഭവിച്ച ശരീരികാധിക്ഷേപം ലിംഗ വേർതിരിവുകൾ എന്നിവ കുട്ടിയിലേക്ക് പകരാതെ തടയാം

- സ്വാതി

സിനിമയോ ടിവിയോ കാണുമ്പോൾ ചില സമയത്ത് കുട്ടിയെ നമ്മൾ പഠിപ്പിച്ച ലിംഗനീതിക്ക് വിപരീതമായ കാര്യങ്ങൾ കാണാം. ഉദാഹരണത്തിന് ഒരു കുഞ്ഞുണ്ടായി പരിപാലിക്കുന്ന രംഗം കാണിക്കുമ്പോൾ വീട്ടിലുള്ളവർ ഇതൊക്കെ അമ്മമാർക്കേ പറ്റൂ എന്നുള്ള വാചകം പറയാറുണ്ട്. മറിച്ച് കുഞ്ഞിന്റെ ഡയപ്പർ മാറ്റാനും കുഞ്ഞിനെ കുളിപ്പിക്കാനും അമ്മമാർക്കും അച്ഛന്മാർക്കും ഒരുപോലെ സാധിക്കും എന്ന് പറഞ്ഞു കൊടുക്കാം. പെൺകുട്ടികൾ ഇത്തരം അറിവുകളുമായിട്ടല്ല ജനിക്കുന്നതെന്നും അത് അവരുടെ മാത്രം പ്രത്യേകതയല്ല മറിച്ച് ലിംഗഭേദമന്യേ ആർക്കും ആർജ്ജിച്ചെടുക്കാവുന്ന പാഠങ്ങളാണെന്നും കുട്ടിയോടു പറയാം.

ശരീരികാധിക്ഷേപങ്ങൾ കുട്ടികളോടു ചെയ്യാതിരിക്കുക. “നീ വല്ലാതെ വണ്ണം വച്ചു പോയല്ലോ, കാറ്റുവന്നാൽ പറന്ന് പോകുമല്ലോ, പെൺകുട്ടികൾ പുറത്തു പോയി കളിച്ചു കരുവാളിക്കേണ്ട കല്യാണം കഴിച്ചു വിടാനുള്ളതല്ലേ' തുടങ്ങിയ വാചകങ്ങൾ തമാശ മട്ടിൽ പോലും പറയരുത്.