வழிகள் ஆயிரம் வாசல்கள் ஆயிரம்

பேச்சியப்பனுக்கு அழுகை முட்டியது. இதயம் விம்மித் தவித்தது.

- மகேஷ்வரன்

கண்ணுக்கெட்டிய தூரம் வரை வயல் வெளி முழுவதும் தண்ணீருக்குள் மூழ்கி கிடந்தது. விளைந்து முற்றிய நெல்மணிகள் அறுவடைக்காக காத்திருந்த நெல்மணிகள் மூட்டை மூட்டையாக கட்டி டிராக்டரில் ஏற்றி வீட்டிற்கு கொண்டு போக வேண்டிய நெல் மணிகள் அத்தனையும் நீரில் மூழ்கி.

யார் கண் பட்டதோ? எல்லோரும் பொருமி தான் கொட்டினார்கள். முகத்திற்கு நேரிலேயே பொறாமையாய் பேசினார்கள்

'எலே பேச்சி ஒனக்கு யோகம்ல! ஆருக்கும் இல்லாத விளைச்சல். உனக்கு விளைஞ்சு கெடக்கு. ஆருக்கும் இல்லாத அறுவடையை நீ பண்ண போற'

ஆள்ஆளுக்கு சொன்னது போல பேச்சியப்பனுக்கு விளைச்சல் அதிகமாக தான் தெரிந்தது. நன்றாக தூர் கட்டி ஒரே தூரில் எக்கச்சக்கமாய் நெற்கதிர்கள் கொத்து கொத்தாக குலுங்கியது.