கிருஷ்ணரின் குணங்களும் அழகு!

மகாவிஷ்ணுவின் எட்டாவது அவதாரம் கிருஷ்ணன்.

- -வெங்கடபுரா ராஜேஸ்வரி, பெங்களூர்.

அவர்தன்னுடைய குணங்களால் போற்றப்பட்டார். அதனால் மகாபாரதத் தில் மற்றவர்களை விட உயர்வாக எழுந்து நின்றார். அவரிடம் இருந்த குணங்கள் சமநிலை, இரக்கம், தைரியம், பொறுமை, மன்னிப்பு, நியாயம், நீதி, பாரபட்சமற்ற தன்மை, பற்றின்மை, வெல்ல முடியாத தன்மை, ஆபத்து காலத்தில் உதவுதல், அழகு, நடனம், இசை, வெற்றிக்கு மறைமுகமாக கை கொடுத்தல், நேர்மை, உண்மை, கட்டுப்பாடு போன்ற நற்பண்புகளால் பக்தர்களை கவர்கிறார்.

சமநிலை: யுத்தத்திற்கு முன், கிருஷ்ணனின் உதவியை நாடி அர்ஜுனன், துரியோதனன் என இருவரும் வந்தனர். அர்ஜுனனுக்கு தன்னையும், துரியோதனனுக்கு தன் படையையும் அளித்து சமநிலையயை பராமரித்தார் கிருஷ்ணர்.

இரக்கம்: அனைத்து உயிர்களிடமும் அனுதாபம் கொண்டிருந்தார். அனைவரிடமும் அன்பாகவும், அதன் மூலம் கௌரவர்கள் பஞ்சபாண்டவர்கள் உட்பட அனைவரிடமும் இரக்கத்துடன் செயல்பட்டார்.

தைரியம் - பொறுமை: மிக பயங்கரமான காலங்களிலும் கிருஷ்ணர் பொறுமையாக இருந்தார். இது கிருஷ்ணரிடம் கற்று அறிய வேண்டிய பாடம்.

மன்னிப்பு: இறுதி காலத்தில், தான் பூமியைவிட்டு பிரிய காரணமாக இருந்த வேடனையும் மன்னித்தார். இந்த மன்னிப்பு பழிக்குப் பழிக்கு மாற்றாக அமையுமானால், நாமும் அனைவராலும் மதிக்கப்படுவோம்.