Love Is Beautiful

ഐഡിയ സ്റ്റാർ സിംഗർ റിയാലിറ്റി ഷോയിലൂടെ മലയാളി കളുടെ പ്രിയപ്പെട്ട ഗായകനായി മാറിയ താരമാണ് ശ്രീനാഥ് ശിവശങ്കരൻ. പിന്നണി ഗാനരംഗത്ത് സജീവമായ താരം സംഗീത സംവിധായകനായും സുപരിചിതനാണ്. അടുത്തി ടെയായിരുന്നു ശ്രീനാഥും തിരക്കഥാകൃത്തും സംവിധായക നുമായ സേതുവിന്റെ മകൾ അശ്വതിയും തമ്മിലുള വിവാഹം നടന്നത്. മലയാളസിനിമയിലെ പ്രമുഖതാരങ്ങ ളൊക്കെ പങ്കെടുത്ത വിവാഹമായിരുന്നു ഇവരുടേത്. ഫാഷൻ ഡിസൈനിംഗ് രംഗത്താണ് അശ്വതി തിളങ്ങുന്നു. ആറുവർഷത്തെ പ്രണയത്തെക്കുറിച്ചും വിവാഹത്തെക്കുറിച്ചും വിവാഹശേഷമുള്ള ജീവിതത്തെക്കുറിച്ചും ശ്രീനാഥും അശ്വതിയും മനസ്സ് തുറക്കുന്നു...

- അപ്പൂസ്. കെ.എസ്

വിവാഹവും പുതിയ വിശേഷങ്ങളും

ശ്രീനാഥ്: ഞങ്ങൾ രണ്ടുപേരും എപ്പോഴത്തെയും പോലെ തന്നെ വളരെ സന്തോഷ ത്തിലാണ്. കല്യാണം കഴിഞ്ഞ് രണ്ടാൾക്കും തിരക്കുകൾ തന്നെയായിരുന്നു. അശ്വതിക്ക് ചില എക്സാമുകൾ ബാക്കിയുണ്ടായിരുന്നു. അതിന്റെ തയ്യാറെടുപ്പും കാര്യങ്ങളുമൊക്കെയായി അശ്വതിയും കുറച്ച് തിരക്കിലായിപ്പോയി. വിവാഹത്തിന് മുൻപ് തന്നെ കമിറ്റ് ചെയ്ത ചില ഷോകൾ എനിക്കുമുണ്ടായിരുന്നു. അതുകൊണ്ട് വിവാഹശേഷം വിരുന്നിനൊന്നും അധികം പോയിട്ടില്ല. ഇനി വേണം എല്ലാ ബന്ധുക്കളുടെയും അടുത്തുപോയി വിരുന്ന് കൂടാൻ.

പ്രണയം വിവാഹത്തിലെത്തിയപ്പോൾ അശ്വതിയുടെ അച്ഛന്റെ പ്രതികരണം?

ശ്രീനാഥ്: അച്ഛന്റെ ഫുൾ സപ്പോർട്ട് കൂടെയുണ്ടായിരുന്നു. ആ കാര്യത്തി ലൊന്നും ഒരു തടസ്സവുമുണ്ടായില്ല.

അശ്വതി: പെട്ടെന്നൊരു ദിവസം ഞങ്ങൾ കല്യാണം കഴിക്കാൻ തീരുമാനിച്ചതല്ല. പരിചയപ്പെട്ട അന്നുമുതൽ നല്ല സുഹൃത്തുക്കളായിരുന്നു. രണ്ടുപേരും ഒരുമിച്ച് മുന്നോട്ടുപോയാൽ നല്ലതായിരിക്കുമെന്ന് തോന്നി. ആ ഒരു സമയത്താണ് ഞങ്ങൾ വീട്ടുകാരോട് പ്രണയത്തെക്കുറിച്ച് പറഞ്ഞത്. ഇരുവീട്ടുകാരും സമ്മതം തന്നപ്പോൾ പിന്നെ വിവാഹത്തെക്കുറിച്ച് ചിന്തിക്കുകയായിരുന്നു.

പ്രണയം രണ്ടുപേരുടെയും വീട്ടിൽ അവതരിപ്പിച്ചപ്പോഴുള്ള പ്രതികരണം?

 അശ്വതി: ഞാൻ ഡിഗ്രിക്ക് പഠിക്കുന്ന സമയത്താണ് ഞങ്ങൾ തമ്മിലുള്ള റിലേഷന്റെ കാര്യം വീട്ടിൽ പറയുന്നത്. പൊതുവേ അച്ഛനമ്മമാർക്കുണ്ടാകുന്നത് പോലെ തന്നെ ഞങ്ങളുടെ ബന്ധം എത്രനാൾ വരെ നീളുമെന്ന ആശങ്ക അവർക്കുമുണ്ടായിരുന്നു. ഡിഗ്രി പൂർത്തിയാക്കി കരിയർ ഉറപ്പിക്കുന്ന സമയത്തും ഞങ്ങളുടെ തീരുമാനം ഇതുതന്നെയാണെങ്കിൽ അച്ഛനും അമ്മയും ഒപ്പമുണ്ടാകുമെന്ന് പറഞ്ഞു. പ്രണയം കല്യാണത്തിലേക്കെത്തിയത് പെട്ടെന്നെടുത്ത തീരുമാനത്തിലല്ല. രണ്ട് വീട്ടുകാരും ആലോചിച്ച് ഉറപ്പിച്ചെടുത്ത തീരുമാനമായിരുന്നു അത്.