പ്രശ്നങ്ങൾ, പ്രതിസന്ധികൾ ഇവയിൽ നിന്ന് ഒളിച്ചോടരുത് രാധിക

മറ്റുള്ളവരെ സഹായിക്കുന്ന, മറ്റുള്ളവരുടെ സുഖദുഃഖങ്ങളിൽ ശ്രദ്ധ ചെലുത്തുന്ന വരെയേ ഞാൻ ദേവത എന്ന് പറയൂ

- സി.കെ. അജയ്കുമാർ

ജീവിതത്തിൽ ഏത് സാഹചര്യത്തിലും എന്തൊക്കെ പ്രതിസന്ധികളേയും വെല്ലുവിളികളേയും നേരിടേണ്ടി വന്നാലും തന്റെ വ്യക്തിത്വവും ആത്മാഭിമാനവും കാത്തുസൂക്ഷിച്ചു കൊണ്ട് വിജയഗാഥകൾ രചിച്ച് മുന്നേറിക്കൊണ്ടിരിക്കുന്ന അഭിനേത്രിയാണ് രാധികാശരത്കുമാർ. അഭിനേത്രി എന്നതിലുപരി ഒരു ബിസിനസ് രാജ്ഞി കൂടിയായി രാധികയെ വിശേഷിപ്പിക്കാം. സ്വയം പര്യാപ്തതയിലൂടെ സംരംഭ (നിർമ്മാതാവ്)കയായിക്കൂടി വ്യക്തി മുദ്ര പതിപ്പിച്ച രാധിക തമിഴ്, മലയാളം, തെലു ങ്ക്, കന്നട, ഹിന്ദി ഭാഷകളിൽ എഴുപതുകളിലും എൺപതുകളിലും സൂപ്പർസ്റ്റാറുകളുടെ നായികയായിരുന്നു. ഇന്നും സിനിമയ്ക്കൊപ്പം തന്നെ മിനിസ്ക്രീനിലും സജീവ സാന്നിദ്ധ്യമായിട്ടുള്ള രാധിക മനസ്സ് തുറന്നപ്പോൾ...

സിനിമയിലായാലും സീരിയലിലായാലും രാധികയുടേതായ ഒരു സ്ഥാനം ഉറപ്പിക്കാനായതെങ്ങനെ?

രാധിക വളരെ കുസൃതിയും കുട്ടിത്വവും നിറഞ്ഞവളായിരുന്നു ഞാൻ. അഭിനയിക്കാൻ എത്തിയതിനു ശേഷം അഭിനയം ഒരു പ്രൊഫഷനായി സ്വീകരിച്ചു കൊണ്ട് അതിൽ ശ്രദ്ധ കേന്ദ്രീകരിച്ചു. തുടക്കത്തിൽ തമിഴ് സിനിമകളിൽ അഭിനയിച്ചു കൊണ്ടിരുന്ന ഞാൻ പിന്നീട് തെലുങ്ക് സിനിമകളിൽ ശ്രദ്ധ കേന്ദ്രീകരിച്ചു. അവിടെ എന്റെ മികച്ച അഭിനയം കാഴ്ചവച്ചു. അതുകണ്ടിട്ട് എനിക്ക് തമിഴിൽ നിന്നും ധാരാളം അവസരങ്ങൾ വന്നുതുടങ്ങി. അതിനു ശേഷം തമിഴ്, മലയാളം, തെലുങ്ക് എന്നിങ്ങനെ എല്ലാഭാഷകളിലും അഭിനയിക്കാൻ തുടങ്ങി.