அழகை குறைக்கும் தாமதமான தூக்கம்!

நவீன வாழ்க்கை முறை, தொழில்நுட்ப வளர்ச்சி என பல காரணங்களால் இன்றைய இளைஞர்கள் இரவில் தாமதமாக தூங்குகின்றனர். ஆனால், இது உடல் மற்றும் மன ஆரோக்கியத்தை பல்வேறு வழிகளில் பாதிக்கிறது.

- எஸ்.ரவீந்திரன்

இந்த நிலையில்... தாமதமாக தூங்குவதால் மனச்சோர்வு ஏற்படலாம். தூக்கமின்மை மனதை அழுத்தி, தெளிவு மற்றும் நேர்மறை சிந்தனையை பாதிக்கிறது. கவலை, நீரிழிவு பிரச்சினை, உயர் இரத்த அழுத்தம், பிற எதிர்மறையான உடல்நல பாதிப்புகள் உருவாகும் என சமீபத்தில் நடந்த மருத்துவ ஆய்வு தெரிவிக்கிறது.

சர்வதேச கால உயிரியல் இதழில் வெளியிடப்பட்ட ஆய்வு, தொடர்ந்து தாமதமாகத் தூங்குவதால் ஏற்படும் நீண்டகால தூக்கமின்மை அறிவாற்றல் செயல்பாட்டையும், கவனம் செலுத்தும் திறன், பிரச்சினைகளைத் தீர்ப்பது மற்றும் முடிவுகளை எடுக்கும் திறனையும் பாதிக்கிறது என்று கூறுகிறது.

இது நினைவாற்றல் குறைபாடுகள் மற்றும் புதிய தகவல்களைக் கற்றுக்கொள்வதில் சிரமத்திற்கும் வழிவகுக்கும். நோயெதிர்ப்பு அமைப்பு சிறப்பாக செயல்பட போதுமான தூக்கம் மிக முக்கியம் என்கிறது இந்த ஆய்வு.