ശാസ്ത്രവും സാങ്കേതികവിദ്യയും ജനപക്ഷ ചരിത്രത്തിനൊരാമുഖം

ആഴമേറിയതും ബൃഹത്തായതുമായ അടിത്തറയും മുകൾത്തട്ടിലുള്ള കെട്ടിടവും എളിയ തൊഴിലാളികളുടെ സംഭാവനയാണ് എന്ന് നമ്മൾ മറക്കരുത്. പ്രാചീന നാവികർ ദൂരം കണക്കാക്കാൻ ഉപയോഗിച്ചിരുന്ന സാങ്കേതിക വിദ്യയെക്കുറിച്ച് വിശദീകരിക്കുന്നു. ശാസ്ത്ര- സാങ്കേതിക വിജ്ഞാനം വികസിപ്പിക്കുന്നതിൽ സാധാരണ അധ്വാനിക്കുന്ന ജനങ്ങളുടെ പങ്ക് വിശദമാക്കുന്നു. - ആദ്യകാല കപ്പലോട്ടക്കാർ വിവിധ ശാസ്ത്ര ശാഖകൾക്ക് നൽകിയ നിസ്തുല സംഭാവനക്കുറിച്ച് വിശദീകരിക്കുന്നു.

- ടി വി വെങ്കിടേശ്വരൻ

ഏപ്രിൽ 14, 1498. വാസ്കോഡ ഗാമ അസ്വസ്ഥനായിരുന്നു. ആഫ്രിക്കയുടെ പടിഞ്ഞാറൻ തീരത്തുള്ള മാലിന്ദി എന്ന പട്ടണത്തിൽ അദ്ദേഹം എത്തിയിരുന്നു. പ്രാദേശിക ഭരണാധികാരി മര്യാദയുള്ളവനും പൊതുവിൽ വലിയ കൗതുകമുള്ളയാളുമായിരുന്നു. ഭക്ഷണവും മറ്റ് വിഭവങ്ങളും സ്വീകരിക്കുന്നതിൽ സന്തോഷിച്ചെങ്കിലും വാസ്കോഡ ഗാമ പിരിമുറുക്കത്തിലായിരുന്നു. അറബിക്കടലിന്റെ വിസ്തൃതി കടന്ന്, തുറന്ന സമുദ്രത്തിൽ യാത്ര ചെയ്ത്, വഴിതെറ്റാതെ എങ്ങനെ ലക്ഷ്യത്തിലെത്താനാകും? 1497 ജൂലായ് 8-ന് ലിസ്ബണിന്റെ തെക്ക് ഭാഗത്തുള്ള റെസ്റ്റെല്ലോയിൽ നിന്ന് നാല് കപ്പലുകളുടെ ഒരു കൂട്ടമായി യാത്രതിരിച്ച വാസ് കോഡ ഗാമ, മുൻകാല പര്യവേക്ഷകർ മുൻകൈയെടുത്ത് കണ്ടെത്തിയ റൂട്ട് പിന്തുടർന്ന്, ടെനെറിഫിലൂടെയും കേപ് വെർഡെ ദ്വീപുകളിലൂടെയും ആഫ്രിക്കൻ തീരം ചുറ്റി സഞ്ചരിച്ചു. ഭൂമധ്യരേഖ മുറിച്ചു കടന്നു ദക്ഷിണാഫ്രിക്കൻ തീരത്തുള്ള സെന്റ് ഹെലീന ഉൾക്കടലിൽ എത്തിച്ചേർന്നു. മുന്നോട്ടുള്ള യാത്രയിൽ ഉറച്ചുനിന്നുവെങ്കിലും, വളരെ ജാഗ്രതയോടെ തീരത്തിനടുത്തു കൂടി, ഗുഡ് ഹോപ്പ് മുനമ്പ് ചുറ്റി കിഴക്കൻ ആഫ്രിക്കൻ തീരത്ത് നിന്നും വടക്കോട്ട് നീങ്ങി. വഴിയിൽ കുറച്ച് തവണ ചുറ്റി തിരിഞ്ഞു പോയെങ്കിലും, അവർ 1498 ഏപ്രിൽ 14ന് മലിന്ദിയിൽ എത്തി.

യാത്രയുടെ തയ്യാറെടുപ്പിനിടെ, വാസ്കോഡ ഗാമ റോയൽ ജ്യോതിശാസ്ത്രജ്ഞനായ എബ്രഹാം സക്കൂട്ടിന്റെ സഹായം തേടുകയും സോളാർ ടേബിളുകൾ തയ്യാറാക്കകയും ചെയ്തിരുന്നു. ഉച്ചസമയത്ത്, ഒരു പ്രദേശത്തെ സൂര്യന്റെ ഉയരം അളക്കുന്നതിലൂടെ, നാവികന് തന്റെ അക്ഷാംശം കണ്ടെത്താനാകും. രേഖാംശം വിശ്വസനീയമായി കണക്കാക്കാൻ ആർക്കും ഒരു മാർഗവുമില്ലായിരുന്നു. ആഫ്രിക്കൻ തീരത്തോട് ചേർന്ന് പതുക്കെ തെക്കോട്ടും പിന്നീട് വടക്കോട്ടും സഞ്ചരിക്കാൻ വാസ്കോഡ ഗാമയെ സഹായിച്ചത് ഈ സോളാർ ടേബിളുകളായിരുന്നു.