എല്ലാം തരും മള്ളിയൂരപ്പൻ

ചിങ്ങമാസത്തിലെ ശുക്ലപക്ഷത്തിലെ വിനായക ചതുർത്ഥിയാണ് മള്ളിയൂർ ശ്രീ മഹാഗണപതി ക്ഷേത്രത്തിലെ പ്രധാന ആഘോഷം. ഈ ദിവസം 10,008 നാളികേരവും അതിനനുസൃതമായ ഹോമദ്രവ്യങ്ങളും ഉപയോഗിച്ചുള്ള സകല വിഘ്നങ്ങൾക്കും പരിഹാരമായ മഹാഗണപതിഹോമമാണ് പ്രധാന ചടങ്ങ്.

- മള്ളിയൂർ പരമേശ്വരൻ നമ്പൂതിരി

അതിപുരാതനമാണ് മള്ളിയൂർ ശ്രീമഹാഗണ പതിക്ഷേത്രം. പെരുമാൾമാരുടെ ഭരണത്തിനു മുമ്പും ക്ഷേത്രം ഉണ്ടായിരുന്നതായി ചരിത്രരേ ഖകൾ പറയുന്നു. ഒരുകാലത്ത് ദേശാധിപത്യം കൂ ടിയുണ്ടായിരുന്നു ക്ഷേത്രത്തിന്, പിന്നീട് ക്ഷേത്രം ഊരാണ്മക്കാരുടേതായി. മള്ളിയൂർ, ആര്യപ്പള്ളി, വടക്കേടം എന്നിവരായിരുന്നു ഊരാണ്മക്കാർ. അവരിൽ പൗരാണിക കാലത്തെന്നോ മഹാതപസ്വിയായി ഒരു ബ്രാഹ്മണ ശ്രേഷ്ഠനുണ്ടായിരുന്നു. ദേശാന്തര തീർത്ഥാടന വേളയിൽ അദ്ദേഹത്തിന് ഉപാസനാമൂർത്തിയായി കൈവന്നത് മള്ളിയൂരിലെ ക്ഷിപ്രപ്രസാദിയായ ശ്രീമഹാഗണപതിയെയാണ്. ബീജഗണപതി സങ്കല്പത്തിലാണ് പ്രതിഷ്ഠ. വലംപിരിയായ തുമ്പികൈയ്യിൽ മാതള നാരങ്ങ യും, കൈകളിൽ മഴു, കയർ, കൊമ്പ്, ലഡ്ഡു എന്നിവയുമുണ്ട്. കാലത്തിന്റെ കുത്തിയൊഴുക്കിൽ ശ്രേഷ്ഠാചാരങ്ങളുടെ അഭാവത്തിൽ ക്ഷേത്രത്തിലെ അഷ്ടശ്വര്യങ്ങളെല്ലാം നഷ്ടമായി. ക്ഷേത്രം അനേകകാലം ജീർണ്ണാവസ്ഥയിലുമായി. ശ്രീകോവിലിന്റെ തുരവ് മാത്രമേ ഉണ്ടായിരുന്നുള്ളു ഒരു കാലത്ത്. ഓലകൊണ്ട് കെട്ടിമറച്ച് ദേവന് നേദ്യം വയ്ക്കാൻ ശ്രീകോവിലിനു മുന്നിൽ ഒരിടം. കുറേനാൾ ഇല്ലത്ത് നേദ്യം വച്ച് ദേവന് നേദിച്ചു. പിന്നീട് മാസത്തിലൊന്നായി നിവേദ്യം. ഒടുവിൽ അതുമില്ലാതായി. ഇല്ലവും അന്യം നില്ക്കാറായപ്പോൾ അന്തേവാസികൾ ഒഴിഞ്ഞുപോകാൻ തുടങ്ങി. ഏഴുവർഷത്തോളം നിത്യശാന്തിപോലും മുടങ്ങി. പിന്നീട് മൂന്നാലു പതിറ്റാണ്ടുക