പക്ഷിമൃഗാദികൾ ഗൃഹത്തിലെത്തിയാൽ ഗുണമോ? ദോഷമോ?

ക്ഷണിക്കപ്പെടാത്ത അതിഥികളായി പക്ഷിമൃഗാദികൾ വീട്ടിലേക്ക് എത്തുന്നത് നമ്മുടെ ജീവിതത്തിൽ താമസം വിനാഃ സംഭവിക്കാൻ പോകുന്ന ചില ശുഭ അശുഭ സംഭവങ്ങളുടെ സൂചനയാണത്രേ. സംഭവിക്കേണ്ടത് സംഭവിക്കേണ്ട നേരത്ത് സംഭവിക്കുക തന്നെ ചെയ്യും. ഇത് ഈശ്വരനിശ്ചയമാണ്. ദൃഢനിശ്ചയത്തോടെ വിശ്വാസപൂർവ്വം നടത്തുന്ന പ്രാർത്ഥനയ്ക്ക് അശുഭസംഭവങ്ങളുടെ ദിശയ്ക്ക് മാറ്റം വരുത്തുവാനും, ലഘൂകരിക്കാനുമുള്ള കഴിവുണ്ടെന്നാണ് ആചാര്യമതം.

- എസ്.പി.ജെ

പൂച്ച

വൃത്തിയുള്ളതും ശാന്തതയുമുള്ള ഇടങ്ങളിൽ വസിക്കാൻ താൽപ്പര്യമുള്ള ജീവിയാണ് പൂച്ച. ശകുന, നിമിത്ത ശാസ്ത്രത്തിൽ പൂച്ച വീട്ടിലേയ്ക്ക് വന്നു കയറുന്നത് ശുഭലക്ഷണമായിട്ടാണ് പറയുന്നത്. പൂച്ച കുഞ്ഞുങ്ങളുമായിട്ടാണ് ഗൃഹത്തിലേയ്ക്ക് വരുന്നതെങ്കിൽ ഏറെ ശുഭകരം. ഗർഭിണിയായ പൂച്ചയാണ് വീട്ടിലേയ്ക്ക് വരുകയാണെങ്കിൽ അവിടെ ഉടൻ മംഗളകർമ്മങ്ങൾ നടക്കും എന്നാണ് അനുമാനിക്കേണ്ടത്. വിദ്യാതടസ്സം, വിവാഹതടസ്സം, സാമ്പത്തിക അഭിവൃദ്ധി എന്നിവയെല്ലാം പൂച്ച വീട്ടിലേയ്ക്ക് കൊണ്ടുവരുമെന്നാണ് പറയപ്പെടുന്നത്.

പരാശരമഹർഷി രചിച്ച "പരാശരസ്മൃതി' എന്ന പുസ്തകത്തിൽ കറുത്ത പൂച്ച വീട്ടിൽ ഉണ്ടായിരിക്കുന്നതും അവയെ പരിപാലിക്കുന്നതും ശുഭകരമെന്ന് പറയുന്നുണ്ട്. പരാശരമഹർഷി രചിച്ച "പരാശരസ്മൃതി'യിൽ യാത്രയ്ക്കിറങ്ങുമ്പോൾ കറുത്ത പൂച്ച വലതുഭാഗത്തു നിന്ന് ഇടതുഭാഗത്തേയ്ക്ക് പോകുന്നതായി കണ്ടാൽ അത് ശുഭലക്ഷണമെന്നാണ് പറഞ്ഞിരിക്കുന്നത്. അഗ്നിപുരാണത്തിൽ യാത്രയ്ക്കിറങ്ങുമ്പോൾ കറുത്ത പൂച്ച വഴിക്ക് കുറുകേ ചാടിയാൽ യാത്ര ഒഴിവാക്കുകയോ, അത്യാവശ്യ യാത്രയെങ്കിൽ മറ്റൊരാൾ ആ വഴിയിലൂടെ പോയതിനു ശേഷം യാത്ര തുടരാം എന്നും പറയുന്നുണ്ട്. മുറിവേറ്റ പൂച്ച വീട്ടിലേയ്ക്ക് കയറിവരുന്നത് അശുഭകരമാണ്. പൂച്ചയ്ക്ക് ഭക്ഷണം നൽകുന്നത് മുജ്ജന്മ പാപപരിഹാരം ചെയ്യുമെന്ന് വിശ്വാസമുണ്ട്. പൂച്ചയെ സ്നേഹിക്കുകയും പരിപാലിക്കുകയും ചെയ്തില്ലെങ്കിൽ അവ വന്നതുപോലെ തിരികെപ്പോകും.

പട്ടി