உயர் கல்வி சீர்திருத்தங்களுக்காக கவனத்தில்கொள்ளப்பட வேண்டிய விடயங்கள்

குப்பிக் குழுமமானது இலங்கையின் பல்வேறு பல்கலைக்கழகங்களை சார்ந்த வெவ்வேறு துறைகளை சார்ந்த ஆசிரியர்களால் உருவாக்கப்பட்ட குழுமமாகும்.

- 

இந்தக் குழுவிலே உதறி அபேயசிங்கே, பர்சனா ஹனீஃபா, அகிலன் கதிர்காமர், அனுஷ்கா கஹந்தகம், ரம்யா குமார், ஷாம்லா குமார், கௌசல்யா பெரேரா, அருணி சமரக்கோன், சுமதி சிவமோகன், மகேந்திரன் திருவரங்கன் ஆகியோர் அங்கம் வகிக்கின்றனர்.

இலங்கையிலே இலவசக் கல்வியினைப் பாதுகாத்து மேம்படுத்தும் நோக்கிலும், இலவசக் கல்வியினை மேலும் ஜனநாயகப்படுத்தும் நோக்கிலும் இவர்கள் செயற்பட்டு வருகிறார்கள். இலங்கையின் உயர்கல்வித்துறையில் மேற்கொள்ளப்பட வேண்டிய சீர்திருத்தங்களின் போது கவனம் செலுத்தப்பட வேண்டிய விடயங்கள் பற்றி இவர்கள் ஓர் அறிக்கையை அண்மையில் வெளியிட்டுள்ளனர்.

இந்த அறிக்கை கீழே கொடுக்கப்பட்டுள்ளது.

பல தசாப்தங்களாக போதிய நிதி ஒதுக்கீடு செய்யாததன் காரணமாக, எமது கல்வி முறைமை முற்றிலும் உடைந்துபோய், மீல் கட்டியெழுப்பப்பட வேண்டிய நிலையிலுள்ளது. அரசு ஆரம்ப சிறுவர் கல்வி கிட்டத்தட்ட முழுமையாகவே இல்லாத நிலைமை, பல வருடங்களாக கவனிக்கப்படாத தொழில்பயிற்சி, பொதுக் கல்வி முகம்கொடுக்கும் பாரிய பிரச்சினைகள் (பரந்துபட்டு காணப்படும் பணியாளரின்மை, வளங்கள் தொடர்பான அப்பட்டமான ஏற்றத்தாழ்வுகள் போன்ற பல பிரச்சினைகள்) எதைக்கூறுகின்றன என்றால், இவ்வுபதுறைகள் உடனடி கவனிப்பின் தேவையிலுள்ளன என்பதுவாகும். எனவே அதன் ஆலோசனைச் செயன்முறை பற்றிய தெளிவின்மை காணப்பட்டாலும் மற்றும் சீர்திருத்தங்கள் உள்ளடக்கம் பற்றிய கேள்விகள் எமக்கு இருந்தாலும், கல்வி அமைச்சால் மேற்கொள்ளப்பட்டுக்கொண்டிருக்கும் பொதுக்கல்வி மற்றும் தொழில் கல்வி சீர்திருத்தம் வரவேற்கப்பட வேண்டிய ஒரு நகர்வாகும். இருப்பினும், அமைப்பு முறைமையின் எந்தவொரு பாகமும் தனித்து செயற்படுவதில்லை. சீர்திருத்தங்கள் ஆரம்ப, பொது, அல்லது தொழில் கல்வியில் கவனம் செலுத்தினாலும், உரையாடலின் ஒரு பகுதியாக உயர் கல்வி இருக்க வேண்டும். உயர் கல்வியை ஜனநாயகப்படுத்தி, அதனை இன்னும் அதிகமானோர் பெற இயலும்படி செய்தல் முழுக்கல்வி முறைமையையே வலுப்படுத்தும். ஒரு ஆலோசனை செயல்முறையூடாக, வேறு செயற்பாடுகளுடன் அவ்வகையான சீர்திருத்தங்கள் முன்னெடுக்கப்பட வேண்டும். மற்றைய துறைகள் "நல்ல நிலைக்கு" வரும்வரை காத்திருப்பது வெறுமனே ஏற்கனவே உள்ள சிதறிய நிலையையே மேலும் அதிகரிப்பதாகவிருக்கும்.