తెలంగాణ మాల్దీవులు

ప్రకృతి..అందాలే కాదు.. ఆధ్మాత్మికతతో కూడిన ఆనందం సోమశిల సొంతం. పచ్చని అడవులు, కృష్ణానది, ఎత్తైన కొండలు ఇక్కడ పర్యాటకులను ఎంతగానో ఆకట్టుకుంటాయి.

- - నెలవెట్ల సతీష్ కుమార్ రెడ్డి

ఏడు నదులు (కృష్ణ, వేణి, తుంగ, భద్ర, మలపహరిణి, భీమరథి, భావనాసని కలిసే ప్రాంతంలో, పచ్చని అడవులు, ఎత్తైన కొండలు, సోమేశ్వర స్వామి ఆలయంతో కూడిన ప్రదేశం ఇక్కడ ఉంది. ఈ ప్రాంతాన్ని తెలంగాణ మాల్దీవులుగా కూడా పిలుస్తారు, ఇక్కడ బోటింగ్, ప్రకృతి దృశ్యాలను ఆస్వాదించవచ్చు.

సప్త నదుల సంగమం అంటే కృష్ణ, వేణి, తుంగ, భద్ర, మలపహరిణి, భీమరథి, భావనాసని అనే ఏడు నదులు ఒకచోట కలవడం సోమశిల ప్రత్యేకత. శ్రీ లలిత సోమేశ్వర స్వామి ఆలయం నది మధ్యలో ఉన్న ఒక ద్వీపంలో ఈ పురాతన ఆలయం ఉంది. ఇది సోమశిల ప్రత్యేక ఆకర్షణ.

తెలంగాణ మాల్దీవులు

సోమశిల అందమైన ప్రకృతి దృశ్యాలు, నీటి ప్రాంతాల కారణంగా 'తెలంగాణ మినీ మాల్దీవులు' అని పిలువబడుతున్నాయి. ఇక్కడ బోటింగ్ చేసే అవకాశం ఉంది. ఇది ఈ ప్రాంత అందాలను దగ్గరగా ఆస్వాదించడానికి సహాయపడుతుంది. మొక్కాల్సిన గుడులు, ఎక్కాల్సిన కొండలు, చూడాల్సిన నిర్మాణాలు, సేద తీరాల్సిన విడిది కేంద్రాలు, ఆస్వాదించాల్సిన రుచులు, అబ్బురపడాల్సిన ప్రకృతి చమత్కారాలు.. నాగర్ కర్నూల్ జిల్లా కొల్లాపూర్ పరిసరాల్లో అనేకం.

నల్లమల పచ్చదనం, కృష్ణానది ప్రవాహం, ఆధ్యాత్మిక సౌరభం..ఇలా కొల్లాపూర్ ప్రత్యేకతలు కోకొల్లలు. తెలంగాణ రాష్ట్రం సిద్ధించాక సోమశిల పర్యాటకంగా ఎంతో అభివృద్ధి చెందింది.

కేబుల్ బ్రిడ్జికి శ్రీకారం