'సంఘ్' భావం

మావోల ఉద్యమంపై ఉక్కుపాదం

- - డాక్టర్ గిరీష్ కుమార్ సంఘీ

గతంలో ఎన్నడూ లేని విధంగా మావోయిస్ట్ల ఉద్యమాలు అంతరించే పరిస్థితి కనబడుతోంది. మావోలు లేని దేశంగా భారత్ను మార్పు చేస్తామని కేంద్ర ప్రభుత్వం నిర్ణయం తీసుకోవడమే కాకుండా కఠినంగా అమలుచేస్తోంది. ఏకంగా ఆర్మీ బెటాలియన్లను అటవీ ప్రాంతంలోకి పంపించడంతో మావోయిస్ట్ల ఏరివేత కార్యక్రమం జోరుగా సాగుతోంది. వచ్చే సంవత్సరం మార్చి చివరినాటికి మావోయిస్ట్లు పూర్తిగా అంతం కావాలని కేంద్రం లక్ష్యంగా చేసుకుంది. దీనిపై కేంద్ర హోంశాఖమంత్రి అమిత్ ప్రత్యేక దృష్టి సారించారు. దీనితో 2014 నుంచి మావోయిస్ట్ల ఏరివేత కార్యక్రమం జోరందుకుంది. కగార్ ఆపరేషన్ పేరుతో కేంద్ర బలగాలు అడవుల్లోకి చొచ్చుకువెళ్లాయి. అశ్వమేధ యాగం నిర్వహించిన రీతిలో కేంద్ర బలగాల అటవీ ప్రాంతంలో దూసుకెళ్తూ ఎక్కడికక్కడ పికెట్లు ఏర్పాటు చేశారు.