శిలాక్షరాల నుంచి కీ బోర్డ్ వైపు..

'మాతృ' అనే పదం ప్రాముఖ్యతను అనుసరించి మాతృదేశాభిమానం, మాతృ భాషాభిమానం పుట్టాయి.

- • జయసూర్య

'మాతృ' అనే పదం ప్రాముఖ్యతను అనుసరించి మాతృదేశాభిమానం, మాతృ భాషాభిమానం పుట్టాయి. తల్లితో సమానంగా వాటిని గౌరవించాలని, ప్రేమించాలని పెద్దలు సూచించారు.

దేశం అభివృద్ధి చెందాలంటే ఆ దేశంలోని జనులందరూ వారి 'స్వదేశ', 'స్వభాష'లను ఆదరించి విధేయులుగా వ్యవహరించాలి.

దేశమంటే తెలియని పరిస్థితులలో, స్వభాష తెలియని పరిస్థితులు భారతీయులు నాడు xx

ఎదుర్కొన్న దుర్భర కాలంలో, విదేశీయత రాజ్యం చేసింది. నిజమే! తెలివిహీనత, స్వమాతృ దేశ, భాషాభిమానం లేకపోవడం వలన పరాయి భాషలు రాజభాష, బోధనా భాషలుగా నెత్తిన రుద్దబడుతున్నాయి.

కానీ శతాబ్దాల తరబడి, స్వాతంత్ర్య పోరాటాల ఫలితంగా స్వేచ్ఛా స్వాతంత్ర్యాలు సాధించుకొన్నాం. దాస్య శృంఖలాలు తొలగిపోయినా ప్రస్తుతం భాషా స్వేచ్ఛకు యింకా దూరం అవటంతో ఇప్పుడు మాతృభాషలు కనుమరుగయ్యే ప్రమాదం మరింత పెరిగింది.

ప్రస్తుతం కేవలం ఆంగ్ల ప్రభావం నిత్యం అధికమైపోతోంది. అది సాంకేతిక విద్య, ఉద్యోగ ఉపాధి అవకాశాలు, పెట్టుబడి, మార్కెట్ ఎన్నో అంశాలతో ముడిపడి ఉంది. ఆ సంకెళ్లు వదిలించుకోవాలంటే ఇక భాషా, సాంస్కృతిక పోరాటాలు చేయక తప్పదు. భారతీయ భాషల ఆత్మగౌరవమే, దేశ సాధికారతకు చిహ్నం. దేశాన్ని ప్రేమించడం అంటే భారతదేశంలోని అనేక ప్రజల భాషలను ప్రేమించడమే" అంటారు ఆచార్య జయధీర్ తిరుమలరావు. సుమారు 80 యేళ్ల కింద, తెనుగును ఉర్దూ, ఆంగ్లం వంటి అన్య భాషా సాంకర్యం నుండి విముక్తి చేసి, శిష్ట వ్యవహారిక భాషగా సర్వాదర ణంగా గౌరవించాలనే తలంపు తల ఎత్తిన ఒక లిఖిత పత్రిక, మాతృభాషకు సంబంధించిన కర్తవ్యాన్ని గుర్తు చేసుకొనే సందర్భంలోని సమగ్ర చర్చలో ప్రస్తావన అది.