యద్భావం తద్భవతి!

భారతదేశంలో యువత డిప్రెషన్కు గురువుతున్నారు. ఇవి పురాణకాలం నుంచి ఉన్నా అప్పుడు వాటిని తమ మానసిక శక్తితో జయించేవారు

- యామిజాల జగదీశ్

భారతదేశంలో యువత డిప్రెషన్కు గురువుతున్నారు. ఇవి పురాణకాలం నుంచి ఉన్నా అప్పుడు వాటిని తమ మానసిక శక్తితో జయించేవారు. నేడు పరిస్థితులు మారాయి. ఒకప్పుడు అర్జునుడు కురుక్షేత్ర యుద్ధం ప్రారంభించే ముందు తీవ్రనిరాశకు గురయ్యాడు. కౌరవ సైన్యాన్ని చూసి చెమటలు పట్టాయి. గుండెల్లో దడ ప్రారంభమయింది. శరీరం నిస్సత్తువుగా అర్థంలేని ఉద్వేగం భయాందోళనలు కలిగాయి. ఏది మంచో ఏది చెడో తేల్చుకోలేని స్థితి. అలాంటి స్థితిలో కృష్ణుడు ఒక కౌన్సిలర్ వ్యవహరించి గీతాబోధన చేసి అర్జునుడిలో ధైర్యాన్ని నింపి యుద్ధోన్ముఖుడిని చేశాడు. భగవద్గీత మంచి ప్రేరణ కలిగించేదిగా నిలిచిపోయింది.

మనం ఒకలా జీవించాలనుకుని మరోలా బతుకుతాం. ఊహలకు వాస్తవాలకు మధ్య పొంతన లేకుండా పోయేకొద్దీ జీవితం పట్ల మమకారం తగ్గుతుంది. నిరాశ ఎక్కువవుతుంది. నిస్పృహ ఆవహిస్తుంది. ఈ పరిణామాలు దేనికైనా దారితీయవచ్చు. మనో a వైకల్యం ఆత్మహత్యలకు దారితీయవచ్చు. హత్యలకు ఉసిగొల్పవచ్చు. విడాకులు తీసుకోవచ్చు. ఉద్యోగాన్ని కోల్పోయి వ్యాపారంలో దివాలా తీయవచ్చు. వృత్తి జీవితంలో తీవ్రంగా అపజయం కలగవచ్చు. ఇవన్నీ డిప్రెషన్ వల్లే జరుగుతాయి. డిప్రెషన్ లక్షణాలను ఇతరుల్లో గమనించవచ్చు.