వకుళాదేవి దర్శనం సర్వపాపహరణం

తిరుపతి జిల్లా ఆధ్యాత్మిక చింతనకు నిలయం. ఓ వైపు ఆధ్యాత్మిక వాతావరణం, మరోవైపు పర్యాటక కళాఖండంగా అభివృద్ధి చెందుతోంది.

- యం. రహంతుల్లా

తిరుపతి జిల్లా ఆధ్యాత్మిక చింతనకు నిలయం. ఓ వైపు ఆధ్యాత్మిక వాతావరణం, మరోవైపు పర్యాటక కళాఖండంగా అభివృద్ధి చెందుతోంది. ఒకవైపు వైష్ణవ ఆలయాలు, మరోవైపు శైవాలయాలతో విరాజిల్లుతోంది. ఆలయాల అభివృద్ధికి టిటిడి, దేవాదాయ శాఖ ప్రణాళికలు రూపొందించి అభివృద్ధి పరుస్తున్నారు.

వకుళాదేవి ప్రపంచ ప్రసిద్ధి చెందిన తిరుమల కొండపై వెలసి ఉన్న వెంకటేశ్వరుని పెంపుడు తల్లి. విష్ణువు రూపం. తిరుమల పురాణం ప్రకారం వకుళాదేవి పురాణం ద్వాపర యుగానికి చెందినది. ఇక్కడ వెలసిన అమ్మవారు పద్మాసనం వేసుకుని ఎడమ చేతితో అక్షయపాత్రను పెట్టుకుని ఉండడం గమనించదగ్గ విషయం. పురాణంలో విష్ణువు అవతారమైన కృష్ణుడి పెంపుడు తల్లి యశోద, లక్ష్మి అవతారమైన రుక్మిణితో అతని వివాహాన్ని తాను చూడలేదని అయనకు ఫిర్యాదు చేసినట్లు స్థానికంగా ఉన్న ఆధారాలను బట్టి తెలుస్తోంది.

కలియుగంలో లక్ష్మి రూపంలో ఉన్న వివాహాన్ని చూసే అవకాశం ఆమెకు లభిస్తుందని శ్రీకృష్ణుడు బదులిస్తాడు. కలియుగంలో విష్ణువు వెంకటేశ్వరుడి రూపంలో అవతరించగా యశోద వెంకటేశ్వరుడి పెంపుడు తల్లి అయిన వకుళాదేవిగా పునర్జన్మ పొందింది.

దేవదేవుడు వాగ్దానం చేసినట్లుగా ఆమె తన పెంపుడు కొడుకు వివాహాన్ని ఆకాశరాజు, లక్ష్మి స్వరూపమైన ధరణి రాణిల పెంపుడు కుమార్తె పద్మావతితో నిశ్చయం చేసింది.

వకుళాదేవి ఆలయం