స్వయంకృతాపరాధం

అది ఒక కొలను దాని పేరు పొయ్ క్కరై ఆ కొలను సమీపంలో ఓ భారీ చెట్టు. ఆ చెట్టు కింద కూర్చుని ఒకరు తపస్సు చేయాలనుకుని అక్కడికి వచ్చారు.

- యామిజాల జగదీశ్

అది ఒక కొలను దాని పేరు పొయ్ క్కరై ఆ కొలను సమీపంలో ఓ భారీ చెట్టు. ఆ చెట్టు కింద కూర్చుని ఒకరు తపస్సు చేయాలనుకుని అక్కడికి వచ్చారు. తపస్సుకు సిద్ధమయ్యారు.అయితే సరిగ్గా ఆ సమయంలో ఓ పండుటాకు రాలింది. అది సగం నీటి మీద, సగం గట్టు మీద పడింది.

నీటిలో పడిన సగం ఆకు చేపగా మారింది. నేల మీద పడిన మిగిలిన సగం ఆకు రాబందు మారింది. అంటే ఒక చేప. ఒక రాబందు.ఇవి రెండూ ఒకదానికొకటి తమ వైపునకు లాక్కుంటున్నాయి.ఈ దృశ్యాన్ని గమనించిన ఆ వ్యక్తి తన తపస్సు మానుకున్నారు.ఆయన తపస్సుకు భంగం కలిగింది.మనసంతా ఆ దృశ్యం మీదే ఉంది. ఆ మనిషి చేయాలనుకున్న తపస్సు చెదిరి పోయిందనే కోపంతో ఓ భూతం వచ్చి అతనిని తీసుకుపోయి ఓ పెద్ద గదిలోకి నెట్టింది.

అక్కడికి వెళ్ళి చూడగా... అప్పటికే అక్కడ 999 మంది కూర్చుని ఉన్నారు.వారందరూ వివిధ కారణాలతో తపస్సు మానేసినవారే. దాంతో భూతం వారందరినీ అక్కడికి తీసుకొచ్చి బంధించింది.

ఆ భూతం ఓ లెక్క వేసుకుంది. అదేమిటంటే- తాననుకున్న వెయ్యి లెక్క పూర్తయింది కనుక ఇక ఒక్కొక్కరినీ లాగించెయ్యాలని. అవును, అలా అనుకున్న భూతం ఆలోచన 999 మందికీ తెలిసింది. దాంతో వారికి ఈ వెయ్యో మనిషి మీద పట్టరాని కోపం. అతని వల్లే కదా తమ ప్రాణాలు కాసేపట్లో పోబోతున్నాయి.... అని అనుకున్నారు.