ఆధునిక యుగంలో ఆదర్శ గ్రామం

అదో కుగ్రామం... అక్కడ విద్యుత్ లేదు... టీవీలు, సెల్ఫోన్లు లేవు. ప్రస్తుత సమాజాన్ని కుంగదీస్తున్న ఎలాంటి "అవలక్షణాలేవీ అక్కడ కనిపించవు. ప్రజలందరూ బాహ్య ప్రపంచాన్ని ఆధ్యాత్మిక చింతనతో దర్శిస్తూ ప్రకృతి ఒడిలోనే సుఖంగా బతుకుతున్నారు.

- 

ఉన్నత చదువులు, పెద్ద ఉద్యోగాలతో సంపన్న శ్రేణి జీవనాన్ని అనుభవించినప్పటికీ... జీవిత పరమార్ధం ఇది కాదని భావించిన వారంతా అన్వేషణలో భాగంగా పరమాత్మకు చేరవయ్యే వికాసమార్గం..సనాతన 'ధార్మిక జీవనం'గా భావించి.సరికొత్త జీవన విధానాన్ని అనుసరిస్తున్నారు.

కాలం మారుతున్నకొద్దీ అలవాట్లు, పద్దతులూ మారుతుంటాయి. కాలం మనుషులను అలా ముందుకు తీసుకు వెళ్తూ ఉంటుంది. అయితే కాలానికే ఎదురు నిలుస్తూ పూర్తిగా పాత పద్ధతులను అనుసరిస్తూ విభిన్న పంథాను అనుసరిస్తున్నారు శ్రీకాకుళం జిల్లాలో ఉన్న కూర్మ గ్రామానికి చెందిన ప్రజలు.

వైదిక వర్ణాశ్రమ పద్ధతులు

ఇప్పటికీ ప్రాచీన వైదిక వర్ణాశ్రమ పద్ధతులు పాటిస్తున్న గ్రామంగా కూర్మ గుర్తింపు పొందింది. ప్రాచీన భారతీయ గ్రామీణ ప్రజల ఆధు పద్ధతులు, గురుకుల జీవన విధానానికి ఈ గ్రామం నిలువుటద్దంలా ఉంది.

200 యేళ్ల నాటి భారతీయ గ్రామీణ జీవన విధానం, సాంప్రదాయాలు, పద్దతులు, ఆహారపు అలవాట్లు, కట్టుబొట్టు, వృత్తులు, వీటన్నింటిని ఒకే చోట కలపోసినట్లుగా కనిపిస్తోంది కూర్మ గ్రామం. ఈ గ్రామాన్ని 2018 జులైలో అంతర్జాతీయ కృష్ణ చైతన్య సంఘం సంస్థాపకచార్యులైన భక్తి వేదాంత స్వామి ప్రభుపాదులు, వారి శిష్యులు ఏర్పాటు చేశారు.

మొదట్లో కొద్ది మందితో ప్రారంభమైన కూర్మ గ్రామంలో ప్రస్తుతం 12 కుటుంబాలు, 16 మంది కలిపి మొత్తం 56 మంది నివసిస్తున్నారు.