అమెరికాలో సత్తాచాటిన తెలుగు వ్యక్తి

భారతీయుల అతిపెద్ద సంస్థ ఎఫ్ఎస్ఐఏ అధ్యక్షుడిగా శ్రీకాంత్ అక్కపల్లి

- 

అమెరికాలో భారతీయులు.. అందులోనా తెలుగు వారు గొప్ప ఖ్యాతి గడిస్తున్నారు. అమెరికాలోని అతిపెద్ద భారతీయుల సమూహానికి వచ్చే ఏడాదికి గానూ తెలుగు వ్యాపారవేత్త శ్రీకాంత్ అక్కపల్లి అధ్యక్షుడిగా ఎంపికయ్యారు. ఇక ఈ పదవి దక్కించుకున్న తొలి తెలుగు వ్యక్తిగా కూడా ఆయన రికార్డుల్లోకి ఎక్కారు. గత 50 ఏళ్లుగా ఎఫ్ఎస్ఐఏ అమెరికాలోని భారతీయులకు సేవలు అందిస్తోంది. ఈ సంస్థకు అమెరికన్ కాంగ్రెస్లో గుర్తింపుతోపాటు.. పలు అవార్డులు కూడా ఉన్నాయి. అమెరికాలో తెలుగు వ్యక్తికి అరుదైన గౌరవం దక్కింది. అమెరికాలోనే భారతీయుల అతిపెద్ద సంస్థ అయిన ఫెడరేషన్ ఆఫ్ ఇండియన్ అసోసియేషన్స్ ఆఫ్ యూఎస్ఏ-ఎఫ్ఎస్ఐఏ అధ్యక్షుడిగా శ్రీకాంత్ అక్కపల్లి ఎన్నికయ్యారు. 2026 ఏడాదికి సంబంధించి ఎఫ్ఎస్ఐఏ కొత్త కార్యనిర్వాహక బృందాన్ని ప్రకటించింది. స్వతంత్ర ఎన్నికల కమిషన్ నేతృత్వంలో జరిగిన వార్షిక అంతర్గత సమీక్ష, ఎంపిక ప్రక్రియ తర్వాత.. ప్రముఖ వ్యాపారవేత్త అయిన శ్రీకాంత్ అక్కపల్లి 2026 ఎగ్జిక్యూటివ్ టీమ్కు అధ్యక్షుడిగా ఏకగ్రీవంగా ఎంపికయ్యారు.