Heibi klop Baabaas in spannende stryd

Heidelberg-rugbyklub het weereens Saterdag bewys waartoe hulle in staat is toe hulle vir Barbarians van Mosselbaai hier op hul tuisveld met 31 - 25 geklop het. Dit, nadat hulle rustyd in dié spannende SWD Superliga A Top 8wedstryd, met 21 - 11 voorgeloop het.

- Clive Pretorius

Met die taai wedstryd het hulle gewys dat hul eerste ronde sege van 33 - 26 op Baabaas se tuisveld geen gelukskoot was nie.

Jason Liebenberg het desondanks sy kopbesering vroeër in die wedstryd, weereens gewys waartoe hy in staat is, en is as speler van die wedstryd aangewys.

Die wedstryd wat beide spanne se fanatiese ondersteuners deurgaans naels laat kou het, het sewe drieë opgelewer waarvan Heibi vier, wat vir hulle 'n waardevolle bonuspunt gegee het, en Baabaas drie aangeteken het.

Jason Liebenberg, Heibi se vlymskerp binnesenter, het desondanks sy kopbesering vroeër in die wedstryd, weereens gewys waartoe hy in staat is, en is as speler van die wedstryd aangewys.