திரைப்பட தயாரிப்பாளர் ஏ.வி.எம்.சரவணன் காலமானார்!

முதல்வர் மு.க.ஸ்டாலின், ரஜினிகாந்த் நேரில் அஞ்சலி!!

- 

ஏவிஎம் நிறுவனத்தின் உரிமையாளரும், தயாரிப்பாளருமான ஏ.வி.எம். சரவணன் (வயது 86) உடல்நலக் குறைவு மற்றும் வயது மூப்பின் காரணமாக இன்று காலை 5.30 மணியளவில் காலமானார். அவரது உடலுக்கு தமிழக முதல்வர் மு.க. ஸ்டாலின், நடிகர் ரஜினிகாந்த் உள்ளிட்டோர் நேரில் சென்று அஞ்சலி செலுத்தினர். ஏ.வி.எம். சரவணனின் இறுதிச் சடங்கு இன்று மாலை 4 மணி அளவில் நடக்கிறது.

ஏ.வி.எம். சரவணன் மறைவு திரையுலகினர் மத்தியில் பெரும் சோகத்தை ஏற்படுத்தியுள்ளது.

தமிழ் சினிமாவில் பிரம்மாண்ட தயாரிப்பு நிறுவனங்களில் மிக முக்கியமானது ஏவிஎம் நிறுவனம். சிவாஜி கணேசன், எம்ஜிஆர் உள்ளிட்ட முன்னணி நட்சத்திரங்களுக்கு பல ஹிட் படங்களை கொடுத்திருக்கிறது. சிவாஜி, எம்ஜிஆர் மட்டுமின்றி ரஜினிகாந்த், கமல் ஹாசன், விஜயகாந்த், விஜய், அஜித், சூர்யா என பல ஹீரோக்கள் அந்தத் தயாரிப்பு நிறுவனத்தின் கீழ் நடித்திருக்கிறார்கள்.