குவைத்தில் பயங்கரம்: கள்ளச் சாராயம் குடித்த தமிழர் உள்பட 16 இந்தியர்கள் பலி!

40 பேர் மருத்துவமனையில் அனுமதி !!

- 

குவைத்தில் கள்ளச் சாராயம் குடித்த ஒரு தமிழர் உள்பட 16 இந்தியர்கள் பரிதாபமாக உயிரிழந்தனர். மேலும் 40 பேர் மருத்துவமனையில் அனுமதிக்கப்பட்டு தீவிர சிகிச்சை அளிக்கப்பட்டு வருகிறது.

ஐக்கிய அரசு நாடுகளில் ஒன்றாக குவைத் திகழ்கிறது. இங்கு தமிழ்நாடு, கேரளா உள்பட அனைத்து மாநிலங்களைச் சேர்ந்த லட்சக்கணக்கான இந்தியர்கள் அங்கு புலம்பெயர்த் தொழிலாளர்களாகப் பணிபுரிந்து வருகின்றனர். அங்கு மதுபான வகைகளுக்குத் தடை விதிக்கப்பட்டுள்ளது. இருந்தாலும் அங்கு கள்ளச் சாராயம் போன்ற போலி மதுபானங்கள் மறைமுகமாக விற்பனை செய்யப்பட்டு வருகின்றன. அவற்றைக் கண்டுபிடித்து அந்நாட்டு அதிகாரிகள் சம்பந்தப்பட்டவர்களுக்கு உரிய தண்டனை வழங்கி வருகின்றனர். இருந்தும் அங்கு கள்ளச் சாராய விற்பனை நடைபெற்று வருகிறது.