சொந்த போர் நிறுத்தத்தையே 734 முறை மீறியது ரஷியா

உக்ரைன் குற்றச்சாட்டு

- 

கீவ், மே 8: இரண்டாம் உலகப் போரில் வெற்றி பெற்றதன் நினைவு தினத்தை முன்னிட்டு ரஷியா தாமாக முன்வந்து அறிவித்த போர் நிறுத்தத்தையே அது 734 முறை மீறியதாக உக்ரைன் குற்றஞ்சாட்டியுள்ளது.

இது குறித்து எக்ஸ் ஊடகத்தில் உக்ரைன் வெளியுறவுத் துறை அமைச்சர் ஆண்ட்ரி சிபிஹா வியாழக்கிழமை வெளியிட்டுள்ள பதிவில் தெரிவித்துள்ளதாவது:

போர்க்கள நிலவரம் குறித்து ராணுவத் தளபதிகளிடம் விசாரித்தேன். அவர்கள் கூறிய தகவலின்படி, ரஷிய அதிபர் விளாதிமீர் புதின் அறிவித்த வெற்றி தின போர் நிறுத்தம் ஏற்கெனவே எதிர்பார்த்தது போல் வெறும் ஏய்ப்புப் பேச்சு என்பது நிரூபணமாகியுள்ளது.