தவெக, திமுகவிடம் கோட்டையை இழந்த அதிமுக

கோவையில் ஒரு தொகுதியில் மட்டுமே வெற்றி

- 

நடந்து முடிந்த 2026 சட்டப்பேரவைத் தேர்தலில் அதிமுக தனது கோட்டையான கோவையை தவெக, திமுகவிடம் இழந்துள்ளது.

இரு திராவிட கட்சிகளுக்கும் திருப்புமுனைகளை உருவாக்கியது மேற்கு மண்டலம். 1972-ஆம் ஆண்டு அதிமுக தொடங்கப்பட்டதில் இருந்து அதிமுகவுக்கு பெரிதும் கை கொடுக்கும் இடமாக இருப்பதால் மேற்கு மண்டலத்தை குறிப்பாக கோவையை அதிமுகவின் கோட்டை என்று அக்கட்சியினர் அழைத்து வந்தனர். மேற்கு மண்டலத்தின் இதயமாக உள்ள கோவையில் வீழ்த்த முடியாத சக்தியாகவே அதிமுக இருந்து வந்தது. அதன்படி அதிமுகவின் முதல் தேர்தலான 1977-ஆம் ஆண்டு தேர்தலில் பேரூர் தொகுதியைத் தவிர மற்ற 9 தொகுதிகளிலும் அதிமுக வெற்றி பெற்றது. அதேபோல 1991-ஆம் ஆண்டு தேர்தலில் அனைத்து தொகுதிகளிலும் அதிமுக வென்றது.