ஜிஎஸ்டி சீர்திருத்த நடவடிக்கை: திருப்பூர் தொழில் துறையினர் வரவேற்பு

மத்திய அரசின் ஜிஎஸ்டி கவுன்சிலால் அறிவிக்கப்பட்ட வரி சீர்திருத்த நடவடிக்கைக்கு திருப்பூர் தொழில் துறையினர் வரவேற்பு தெரிவித்துள்ளனர்.

- 

திருப்பூர் ஏற்றுமதியாளர்கள் சங்கத் தலைவர் கே.எம்.சுப்பிரமணியன்: ஜிஎஸ்டி கவுன்சில் கூட்டத்தின் மறுசீரமைப்பு ஜவுளித்துறைக்கு சாதகமாக உள்ளது. முழுவதுமாக சமநிலைப்படுத்தப்பட்டு, கணினிமயமாகப்பட இருப்பதால் உற்பத்தியாளர்களுக்கான ரீபண்ட் எளிதில் கிடைக்க வழிவகை செய்யப்பட்டுள்ளது. மேலும் 12 சதவீதத்தில் இருந்த பெரும்பாலான பொருள்கள் 5 சதவீதத்துக்குக் கீழ் கொண்டு வரப்பட்டுள்ளது. இதன்மூலம் உற்பத்தித் துறையினர் உற்பத்தி செய்து அதனை விற்பனை செய்வதில் இருந்த வேறுபாடு தவிர்க்கப்பட்டு கூடுதல் சுமை குறைந்துள்ளது. செயற்கை நூலிழை எனப்படும் பாலியஸ்டர் நூல் வகைகளுக்கு 5 சதவீதமாக ஜிஎஸ்டி குறைக்கப்பட்டு இருப்பதன் மூலம், இந்தியா போட்டி நாடுகளுடன் போட்டியிட்டு சந்தைகளை கைப்பற்றுவதற்கு பயனுள்ளதாக இருக்கும்.