அரசுப் பள்ளிகளில் மாணவர் சேர்க்கை அதிகரிப்பு

தமிழகத்தில் நிகழ் கல்வியாண்டில் அரசுப் பள்ளிகளில் மாணவர் சேர்க்கை அதிகரித்துள்ளது என்றார் பள்ளிக் கல்வித் துறை அமைச்சர் அன்பில் மகேஸ் பொய்யாமொழி.

- 

திருநெல்வேலி, ஆக. 25:

திருநெல்வேலியில் செய்தியாளர்களிடம் அவர் திங்கள்கிழமை கூறியது: பள்ளிக் கல்வித் துறை சார்ந்த ஆய்வுக் கூட்டம், 23 ஆவது மாவட்டமாக திருநெல்வேலியில் நடைபெற்றுள்ளது. தலைமை ஆசிரியர்களை சந்தித்து மாணவர்களுக்கு என்னென்ன தேவை என்பது குறித்து ஆலோசிக்கப்பட்டு வருகிறது. சிறப்பாக செயல்படும் தலைமை ஆசிரியர்களின் கருத்துகளைப் பெற்று அதனை தமிழகம் முழுவதும் அமல்படுத்துவதற்கு திட்டமிட்டுள்ளோம்.