ஜெய்ஸ்வால், கில் பங்களிப்பில் இந்தியா நிதானம்

இங்கிலாந்துக்கு எதிரான 2-ஆவது டெஸ்டில், முதல் நாள் ஆட்டநேர முடிவில் இந்தியா நிதானமாக விளையாடி 5 விக்கெட்டுகள் இழப்புக்கு 310 ரன்கள் சேர்த்தது.

- 

பர்மிங்ஹாம், ஜூலை 2: இங்கிலாந்துக்கு எதிரான 2-ஆவது டெஸ்டில், முதல் நாள் ஆட்டநேர முடிவில் இந்தியா நிதானமாக விளையாடி 5 விக்கெட்டுகள் இழப்புக்கு 310 ரன்கள் சேர்த்தது.

இந்திய பேட்டர்களில், கேப்டன் ஷுப்மன் கில் சதம் கடந்து நிலைக்க, யஷஸ்வி ஜெய்ஸ்வாலும் ஸ்கோருக்கு பலம் சேர்த்தார். இதர வீரர்கள் சொற்ப ரன்களில் ஆட்டமிழந்தனர். இங்கிலாந்து பௌலர்களில் கிறிஸ் வோக்ஸ் அசத்தினார்.

இந்த டெஸ்டில் டாஸ் வென்ற இங்கிலாந்து, பந்துவீச்சை தேர்வு செய்தது. இந்திய லெவனில் ஜஸ்பிரீத் பும்ரா, சாய் சுதர்சன், ஷர்துல் தாக்குர் ஆகியோருக்கு பதிலாக, ஆகாஷ் தீப், நிதீஷ்குமார் ரெட்டி, வாஷிங்டன் சுந்தர் ஆகியோர் சேர்க்கப்பட்டிருந்தனர். இங்கிலாந்து மாற்றமின்றி களம் கண்டது.